Улс төрчдийн сонгууль, сонгуулийн сурталчилгааны ажил албан бусаар эхэлжээ. Тодруулбал Шударга өрсөлдөөн хэрэглэгчийн төлөө газрын дарга асан О.Магнай сонгуулийн ажлаа хийж явна.

Учир нь тэрбээр ирэх сонгуульд өрсөлдөх санаатай байгаа юм билээ. Тэрбээр өнгөрсөн 9 дүгээр сараас хөдөлгөөнд орж,Сонгинохайрхан дүүрэг ажиллаж байгаа аж. Мэдээж энэ дүүргийн ихэнх нь гэр хорооллынхон байдаг болохоор үүнийг ашишлан О.Магнай “Дэм дэмэндээ” нэртэй хөдөлгөөн өрнүүлж эхэлсэн юм байна.

Ингээд түүнээс тус дэм горьдож ирэх Сонгинохайрхан дүүргийн иргэдэд улс төр, сонгууль, сонголтын талаар ярьж байгаа аж. Мөн энэ үеэрээ иргэдэд хувцас тараасан бөгөөд тэр нь Мьянмар хэмээх улсад захиалан оёулсан хувцас ажээ. Үүнд нь зарим иргэд дургүйлэхсэн бөгөөд ядуу байж болно, гэхдээ өмсөх хувцастайгаа байгаа шүү гэх хүмүүс ч байсан аж. Мөн түүний дараа дахин уулзалт зарласан бөгөөд ирсэн хүн бүрт хоёр, хоёр шуудай нүүрс өгнө гэжээ. Ингээд О.Магнайгийн уулзалтад олон хүн цугладаг шалтгаан нь ийнхүү нүүрсний бэлэг авдагтай нь холбоотой юм байна. Тэгэхээр хямралын энэ хүнд хэцүү цагт үед О.Магнайд багагүй мөнгө байгаа болтой шүү. Тэр уг нь хувийн бизнес, мөнгөгүй цалингаараа л амьдардаг хэмээн өнгөрсөн хугацаанд олонтой ярьж байсан юм. Тэгэхээр хямрал нүүрлэнгүүт, хаанаас энэ зэргийн хөрөнгө олов гэдэг бас их сонин байна.