Женко гурппыг үүсгэн байгуулагч УИХ-ын гишүүн асан Х.Баттулга, түүний хүрээллийн хүмүүсийг хууль хяналтын байгууллагаас шалгаж, хэрэг эцсийн шатандаа хүрч байна.

Энэ үед Х.Баттулгыг улс төрийн карьер унаж, улс төрөөс арчигдах хэмжээнд хүрч Монгол улсын гурав дахь Ерөнхийлөгч Н.Энхбаяртай адилхан нөхцөл байдалд хүрэх болсон өнөө үед өөрийн төлөөний хүмүүсээ улс төрд сойж далдаас төр удирдах оролдлого явагдах болсон нь илэрхий харагдаж эхэллээ.


Х.Баттулгын төрсөн дүү Х.Баттуул дүүргийн иргэдийн төлөөлөгчдийн хурлын сонгуульд хүч түрэмгийлэн орж ирэн, нэр дэвших болсон. Үүнтэй  зэрэгцэн тус дүүргийн АН-ын хорооны талцал, маргаан газар авч шүүхийн шатанд шилжээд байна. Х.Баттулга Хан-Уул дүүргийн иргэдийн төлөөлөгчдийн хурлын сонгуульд өөрийн төлөөний хүмүүсийг хүчээр нэр дэвшигчийн жагсаалтанд оруулсанаар АН-ын хорооны хэсэг гишүүд шүүхэд гомдол гаргаж маргаан эхэлсэн. Мөн маргаанаас үүдэлтэйгээр Голомтын Д.Баясгалангийн хүн гэгддэг Хан-Уул дүүргийн засаг дарга н.Ганхуяг дахин нэрээ дэвшүүлсэнд намын гишүүдийн зүгээс хүчтэй эсэргүүцэж, тэрээр нэрээ татаж авсан талаар яригдаж байна.

Ийнхүү маргаан дагуулсаны дүнд Х.Баттулгын төлөөний гэх Баянхонгор аймгийн гаралтай хэд хэдэн хүмүүс нэр дэвших эрхээ авч, гомдолтой зарим гишүүд шүүхэд хандаж, эцсийн дүндээ шүүхийн шийдвэр яаж гарахаас шалтгаалан Хан-Уул дүүргийн сонгуулийн дүнд маргаан үүсэх, дахин сонгууль явагдаж болзошгүй байдал үүсээд байгаа гэнэ. Ямартаа ч БГД-г базаж суугаа С.Эрэдэнэ хүү Э.Ганболорыгоо нэрийг нь дэвшүүлсэнээс харахад Женко, С.Эрдэнэ, З.Энхболд нар БГД, ХУД-үүдийг эзлэн авах төлөвлөгөө хэрэгжүүлж эхэлжээ гэж харагдаж байна.

Улс төрийн өндөр албан тушаал хашигчид болон тэмүүлэгч нар ямар ч аргаар төрийн албыг төрлийн алба болгоход хэнийг ч, юуг ч үл хайхран зүтгэж байгааг бодит байдлаас дүгнэхэд ийм байна. Эцсийн дүгнэлтийг уншигч, сонгогчдоос шийдэх учраас та бүхний сонголт мэргэн байх болтугай. 

А.Баярмаа