“Говь” ХК-ийн байранд гарсан бүрэн гал унтраагүй байна
2017/06/15
Хан-Уул дүүргийн 3 хороонд байрлах “Говь” хувьцаат компанийн үйлдвэрийн дээвэр шатаж байна гэсэн дуудлага Нийслэлийн онцгой байдлын газарт 2017 оны 06 дугаар сарын 14-ний 20 цаг 46 минутанд ирсэн байна.Галын дуудлагын дагуу Онцгой байдлын байгууллагаас шуурхай арга хэмжээ авч Нийслэлийн Онцгой байдлын газрын бүх Гал түймэр унтраах, аврах анги болох 13 ангийн ээлжийн 140 орчим албан хаагч, гал унтраах шуурхай албаны 30 гаруй автомашиныг дайчлан ажиллаж байна. Мөн Ус сувгийн удирдах газар болон хот тохижилтын ус түгээх цистерн автомашинуудыг мөн дайчлан ажиллаж байна.
Гал их хэмжээнд тархан гарсан, сая авсан мэдээллээр гал сөнөөгчид галын тархалтыг зогсоож, голомтонд задаргаа хийж бүрэн унтраахаар ажиллаж байна.
ОБЕГ-ын тэргүүн дэд дарга, бригадын генерал Г.Ариунбуян, Гал түймэртэй тэмцэх газрын дарга, хурандаа С.Залуухүү нар ахлан ажиллаж байна.
Эх сурвалжийн хэлж байгаагаар гал одоо болтол унтраагүй байна. Галын улмаас хүний амь нас эрсдээгүй. Үйлдвэрийн тоног төхөөрөмжийг гаргасан аж.
Бид энэ талаар эргэж мэдээлэх болно.
zochin · 2017/06/15
buren gal gj ymar gal bnaa haha ha
Зочин · 2017/06/15
хайран сайхан үйлдвэр ганц органик бүтээгдэхүүн байсан юм сан атаач жөтөөч хар хулгайч нар гал тавиа биз нүгэл нүдээрээ гарнаа хулгайч нарын
зочин · 2017/06/15
даанч монголчуудыг их шулаад байсан юмаа. дундаж орлоготой хүн л лав сарын цалингаараа нэг цамц авна. хохирлоо төсвөөс төлүүлнэ гэж тэнэгтэв дээ луйварчдаа.