С.Зориг агсныг хөнөөсөн хэргийн шүүх хурал болж, гурван хүнийг хориод байгаа билээ.  Тодруулбал, 19 жилийн дараа хэргийг Т.Чимэгээ, Ц.Амгаланбаатар, О.Содномдаржаа гэх этгээдүүд үйлдсэн хэмээн хоёр ч удаагийн шүүх хурал нотолж тэдэнд тус бүрт нь 24-25 жилийн ял оноогоод байгаа.

Тэгвэл улсын яллагчаар тус хэрэгт оролцсон прокурор Б.Батжаргал нэгэн ярилцлагандаа “Гэмт хэрэгтнүүд С.Зориг агсны эхнэр Б.Булганыг таньдаг төдийгүй гэрт нь хоол хийлгүүлж идэн, хамт тамхилсан” гэжээ. Сэжигтэн Ц.Амгаланбаатар мэдүүлэгтээ “ Хэрэг гарсан өдөр бид дөрөв С.Зоригийн гэрт очсон. Хоол хийсэн байхад нь бид хоолноос идсэн. Миний санаж байгаагаар мах чанасан байсан. Тэгээд Т.Чимэгээ, Б.Содномдаржаа бид гурав Б.Булгантай тамхилсан. Тамхины үнсээ будаатай аяганд хийсэн” гэж мэдүүлжээ. Хэргийн газраас тухайн үед тамхины үнс хийсэн будаатай аяга олдож байсан юм байна.

Г.Нар 

zaluu.mn