Засгийн газрын өнөөдрийн хуралдаанаар "Эрдэнэт үйлдвэр" компанийн талаар шийдвэр гаргажээ. Энэ талаар Засгийн газрын хэрэг эрхлэх газрын дарга Л.Оюун-Эрдэнэ мэдээлэл өгч байна.

Үйлдвэрийн үйл ажиллагаа ямар нэгэн доголдохгүй, санхүүгийн зарим материалуудыг татаж үзэх, шаардлагатай зарим шалгалтыг хийх, үйлдвэрийн хэвийн үйл ажиллагааг хангах зорилгоор онцгой дэглэмийг тогтоолоо.

 Тэрбээр “Засгийн газрын өнөөдрийн хуралдаанаар ҮАБЗ-ийн тоот зөвлөмжийг хэрэгжүүлэх зорилгоор  Засгийн газарт эрх олгох тухай хуулийн 1,2 дугаар зүйлийг үндэслэн “Эрдэнэт” үйлдвэрт зургаан сарын хугацаатайгаар онцгой байдал тогтоох шийдвэр гарлаа. Үйлдвэрийн үйл ажиллагаа ямар нэгэн доголдохгүй, санхүүгийн зарим материалуудыг татаж үзэх, шаардлагатай зарим шалгалтыг хийх, үйлдвэрийн хэвийн үйл ажиллагааг хангах зорилгоор онцгой дэглэмийг тогтоолоо. Ерөнхий сайдын даалгавраар Засгийн газрын тогтоолыг нэн даруй хэрэгжүүлэх ажлын хэсэг гарсан. Энэ мэдээллийн дараа бид “Эрдэнэт” үйлдвэр лүү хөдөлнө. "Эрдэнэт" үйлдвэрт үүссэн асуудал бол Зүүн өмнөд Азид түгээмэл ажиглагддаг мөнгө угаалтын хэлбэр. Аливаа асуудлыг эцэслэж, зөв ойлголт өгч явах нь Засгийн газрын үүрэг” гэлээ