-Эрүүдэн шүүсэн бичлэгийг УИХ-ын гишүүд, сэтгүүлч нарт хаалттай үзүүлэв-

Улс төрд нэлээдгүй "халуун" үйл явдал болж өрнөв. УИХ-ын ээлжит бус чуулганы хуралдаанаар  С.Зоригийг хөнөөсөн хэрэгт шалгагдаж ял авсан  хүмүүсийг эрүүдэн шүүсэн гэх бичлэгийг гишүүдэд хаалттай үзүүлсэн юм. Мөн өчигдөр сэтгүүлчдэд эл хаалттай үзсэн бичлэгийг үзүүлэв. Хууль зүй, дотоод хэргийн сайд  Ц.Нямдорж өнгөрсөн долоо хоногт мэдээлэл хийж, С.Зоригийг хөнөөсөн хэрэгт эрүүдэн шүүсэн бичлэг бий, хэлмэгдүүлсэн хүмүүсээс уучлал  гуйж байна хэмээн мэдэгдсэн юм.  Өнгөрсөн даваа гаригт болсон МАН-ын бүлгийн  хурлаар энэ бичлэгийг ил болгох нь зүйтэй гэж  үзэж, улмаар Т.Чимгээ, Б.Содномдаржаа нарыг 600 гаруй хоног эрүүдэн шүүсэн гэх бичлэгийг Засгийн газрын хуралдаанаар нууцаас гаргах шийдвэрийг мөн гаргасан. Хууль зүйн байнгын хорооны хурлаар энэхүү бичлэгийг эхний ээлжинд УИХ-ын гишүүдэд үзүүлэх нь зүйтэй гэж үзсэн байдаг. Ингээд 600 хоногийн бичлэгээс үзүүлэх боломжтой гэсэн зургаан хоногийн эрүүдэн шүүсэн бичлэг болон 26 минутын видеог УИХ-ын гишүүдэд, дараагийн өдөр нь сэтгүүлч нарт үзүүлж, нэлээдгүй шуугиан тарив.

-Монгол Улсын Ерөнхий прокурор М.Энх-Амгалан, Ерөнхий прокурорын орлогч Г.Эрдэнэбат нарыг албан тушаалаас нь огцoрууллаа-

Монгол Улсын Ерөнхийлөгч Х.Баттулга өнөөдөр “Албан тушаалаас огцруулах тухай” зарлиг гаргалаа.

ЗАРЛИГТ:

“Монгол Улсын Ерөнхийлөгчийн тухай хуулийн 9 дүгээр зүйлийн 1, Прокурорын тухай хуулийн 46 дугаар зүйлийн 46.6.4, Монгол Улсын Үндэсний аюулгүй байдлын зөвлөлийн 2019 оны 10/09 дүгээр зөвлөмжийг тус тус үндэслэн ЗАРЛИГ БОЛГОХ нь:

1. Магванноровын Энх-Амгаланг Монгол Улсын Ерөнхий прокурорын албан тушаалаас огцруулсугай.

2. Ганбатын Эрдэнэбатыг Монгол Улсын Ерөнхий прокурорын орлогчийн албан тушаалаас огцруулсугай.

Улсын Ерөнхий прокурорыг шинээр томилогдох хүртэл хугацаанд түүний бүрэн эрхийг хэрэгжүүлж байхыг Монгол Улсын Ерөнхий прокурорын орлогч Баяраагийн Амгаланбаатарт даалгасугай” гэжээ.

Манай нийгэмд олон үйл явдал өрнөсөн долоо хоног боллоо. Агаарын бохирдлыг талаар хаврын цагтай золгоод умартдаг. Тэгвэл өвлийн улиралд л дуугарч болохгүй одоогийн хэрэгжүүлж байгаа үзэл баримтлалаа өөрчлөх ёстойг сануулж Монголын Эрчмийн салбарын зөвлөх, мэргэшсэн инженерүүдийн холбооны тэргүүн  Л.ГЭНДЭНСҮРЭН  Агаарын бохирдлыг бууруулъя гэвэл одоогийн баримталж буй үзэл баримтлал, бодлогоо шинэчлэх ёстой хэмээн нийтлэлээ бичжээ.

Хүүхдийн хүчирхийлэл хэрээс хэтэрсэн асуудал болоод нийгэм даяараа халаглаж суух болов. Хүүхдүүдийг хамгаалж, гэмтнүүдийг ингэж шийтгэе!!!

Монголын үрс маш олон болох болтугай монголчууд бид бүл нэмэх болгондоо баярладаг сайхан улс. 2019 оны гуравдугаар сарын  өдөр  Эх хүүхдийн эрүүл мэндийн үндэсний төвд таван кг 750 гр жинтэй нярай мэндэлжээ. Бяцхан хүү тухайн айлын найм дахь хүү болж байгаа бөгөөд түүний ээж өдгөө 33 настай аж. Эх өөрөөрөө төрсөн бөгөөд эх, хүүхдийн бие сайн байгаа хэмээн эмч нар мэдэгдсэн байна. 5 кг 750 гр, 64 см урттай төрсөн хүү одоогийн байдлаар Монгол улсад төрсөн хамгийн их жинтэй нярайнуудын тоонд тооцогдож байгаа гэнэ.

Эдийн засгийн байдал сайжирсангүй. Далд эдийн засгийг ил болгох зорилготой гарч ирсэн НӨАТ олны бухимдлыг төрүүлээд байгаа. Арга үгүй биз, Нэмэгдсэн өртгийн албан татварын хуулийг санаачлахдаа "Буцаан олголт" гэдэг үгийг нь хассан болохоор харгис хууль болсоныг эрх зүйч Р.Ууганбаатар хэлсэн удаатай. Тэрбээр Р.Ууганбаатар: НӨАТ-ыг шууд устгах хэрэгтэй гэж зууны мэдээ сонинд ярилцлага өгчээ.

Спортын ажилтууд дуусашгүй үргэлжилдэг бахархам салбар. Польш улсад зохиогдсон хөнгөн атлетикийн мастерс/ахмад/-ын ДАШТ-ний эрэгтэйчүүдийн 400 метрийн зайд хурдаа сорьсон Ц.Раднаа тэргүүн байр эзэлж, залуустаа үлгэр дуурайлал үзүүлсэн бахархам амжилтын эзэн боллоо. Түүний энэхүү амжилт нь дэлхийн дээд амжилтыг шинэчилсэн юм.

Дэлхийн дэвжээнд Төрийн дууллаа эгшиглүүлсэн Ц.Раднаа гуай 85 настай. Түүний амжилтыг 81 настай Т.Цэрэндолгор үргэлжлүүлж, бөөрөнцөг түлхэлтийн төрөлд мөнгөн медаль хүртсэн байна. 

Урлаг, соёлынхон дэлгэцийн бүтээлээрээ хүчтэй өрсөлдөх болсон. Энэ цагт жүжигчин А.Ганчимэг, Д.Ганцэцэг нар өөрсдийн Аримун  продакшн байгуулж, анхны киногоо өчигдөр үзэгчдийн хүртээл болголоо. "Халуун зүрх" бүрэн хэмжээний уран сайхны кино нь хорт хавдар гэх өвчнийг гол сэжүүрээ болгосон ч үрээ гэх эхийн сэтгэл, үхтэл үр хайрам гэдгийг илүүтэй тусгажээ. Эмэгтэй хүний тэсвэр тэвчээр, хүнийг хүйтэн биш халуун зүрхтэй байхыг харуулсан бүтээл болсон байна.