УИХ-ын чуулганы өчигдрийн хуралдаанаар Монголбанкны ерөнхийлөгч Н.Баяртсайхан, СЗХ-ны дарга С.Даваасүрэн нарыг өөрсдийнх нь хүсэлтээр үүрэгт ажлаас нь чөлөөлсөн билээ.

Тэгвэл өчигдөр УИХ дахь МАН-ын бүлэг хуралдаж, Монголбанкны ерөнхийлөгч болон Санхүүгийн зохицуулах хорооны даргын томилгоог хэлэлцсэн. Тус бүлгээс Монголбанкны ерөнхийлөгчөөр тус банкны Дэд ерөнхийлөгч Б.Лхагвасүрэнг, СЗХ-ны даргаар одоогийн дэд дарга Д.Баярсайханыг томилохыг дэмжжээ. Тиймээс өнөөдөр  байнгын хороод, чуулганаар хэлэлцэж, томилохоор болжээ. 

Тэгвэл өнөөдрийн УИХ-ын Эдийн засгийн байнгын хорооны хуралдаанаар Монгол банкны Ерөнхийлөгч болон  СЗХ-ны даргыг томилох асуудлыг хэлэлцэв. Хуралдаанд байнгын хорооны 19 гишүүнээс 11 гишүүн оролцож 57.9 хувьтайгаар дээрх асуудлуудыг хэлэлцсэн юм. Байнгын хорооны хуралдаанаар Монголбанкы  Дэд ерөнхийлөгч Б.Лхагвасүрэнг, СЗХ-ны даргаар одоогийн дэд дарга Д.Баярсайханыг томилохыг тус тус дэмжсэн байна.