Өчигдөр буюу /2020.02.27/-ны өдрийн 18:00 цагийн үед Багануур дүүргийн онцгой комисс-д жирэмсэн эмэгтэй ирж, Улаанбаатар хот руу нэвтрэх бичиг хийж өгөхийг шаарджээ.

Онцгой комиссд ажиллаж байсан жижүүрийн эмч эл эмэгтэйд эмнэлгийн туслалцаа үзүүлэхээр үзлэг хийхэд гэдсэндээ хувцас чихсэн байсан нь илэрсэн байна. Иймд тус эмэгтэйд зөрчлийн хэрэг үүсгүүлэхээр хэргийг цагдаагийн байгуулагад шилжүүлжээ.

УОК-оос нийслэл хот руу орох гарах хөдөлгөөний хориог сунгасан. Мөн титэм вирусийн сэжигтэй тохиолдол илэрсэн тул тус дүүрэг нь өндөржүүлсэн бэлэн байдалд хөл хориог зарлаад байгаа билээ. Гэтэл зарим нэгэн иргэд худал хэлж хорио цээрийн бүсээс хот руу орох гэж оролдсоор байгааг албаныхан хэллээ.