Монгол Улсын Засгийн Газрын өчигдрийн ээлжит хуралдаанаар "Оюу толгой" компанийн ТУЗ-ын гишүүнээр  "Аспайр майнинг" компанийн гүйцэтгэх захирал З.Ган-Очир, "South Gobi sands"-ын захирал,"JP Morgan" -ы татварын аналитик асан  Э.Баясгалан нарыг томилжээ.  

"Оюу Толгой"-ын ТУЗ-ын гишүүний сонгон шалгаруулалтанд нийт 47 хүн материал ирүүлснээс дээрх хоёр гишүүн томилогдсон юм байна.

Харин Монгол Улсын Ерөнхийлөгч асан Н.Багабанди "Оюу Толгой" -ын ТУЗ-ын гишүүнээр улиран ажиллахаар болсон байна.

Сонирхолтой нь тэрээр Монгол Улсын Ерөнхий Сайд У.Хүрэлсүхийг улс төрд анх "хөтөлж оруулсан" хүн нь юм.

Тодруулбал Н.Багабанди нь 1990 онд  МАХН-ын Төв Хорооны нарийн бичгийн даргаар ажиллаж байхдаа Монголын Ардын Армийн 152 дугаар ангид улс төрийн орлогч байсан, уран илтгэх авьяастай, зоримог залуу У.Хүрэлсүхийг МАХН-ын Төв хороонд улс төрийн ажилтнаар авч, ажил амьдралын төдийгүй улс төрийн замыг нь эхлүүлж байжээ.

 

Э.Мягмар

sonin.mn