Сонгууль хийнэ гэдэг нь ялж л байвал бусдыгаа увайгүйгээр доромжилж өөрөө нэр цэвэр үлдэхийн нэр болчихсон юм уу. Эсвэл энэ гадаа байгаа хаврын тэнгэр шиг нэг өдөр нь муулаад, нөгөө өдөр нь найзлаад олон ааштай байхыг хэлдэг ч юм уу, хэн мэдлээ.

Ямартаа ч АН-ын даргын сунгаанд нэр дэвшиж буй 4 залуугийн дунд нэг тиймэрхүү явдал болчихвуу яав. О.Амартүвшин нэр дэвшигч өчигдөрхөн л “О.Цотгэрэл баахан царцаа оруулж ирж, шудрага бус өрсөлдөж байна” гээд л ээрч муураад лайвдаад байсан чинь өнөөдөр журмын нөхөд минь уучлаарай болчихсон тууж явах юм. Ингэж нэгнээ гүтгэж харлуулахгүй намын даргадаа өрсөлдөөч дээ, Амартүвшин минь. Сонгууль дууссаны дараа ард нь андуудтайгаа уулзах хорвоо шүү дээ.