Коронавирусийн халдварын өнгөрсөн хоногийн нөхцөл байдлын талаар ЭМЯ-наас танилцууллаа. Өнгөрсөн хоногт халдварын 992 тохиолдол батлагдсан бөгөөд үүнээс Улаанбаатарт 352, орон нутагт 640 нь батлагджээ. 

Уг өвчний улмаас 61-80 насны таван иргэн нас барсан байна.

Харин 2,058 иргэн эдгэрчээ.

Монгол Улсын хэмжээнд нийт батлагдсан тохиолдол 165,147 бүртгэгдэж, нас баралт 900-д хүрлээ.

Иргэдийг амны хаалтаа зүүх, хүн хоорондын зайг барих дэглэмээ сахихыг эрүүл мэндийн байгууллагаас зөвлөж байна.