УОК-ын дэргэдэх Эрдэмтдийн баг коронавируст халдварын 11 дүгээр сарын нөхцөл байдлыг тооцоолсон байна. Халдварын өнөөгийн нөхцөл байдалд үнэлэлт дүгнэлт хийж, тооцооллыг гаргажээ.

Ингэхдээ иргэдийн хөл хөдөлгөөн одоогийн хэвээр үргэлжилбэл байдал сайжрахгүй, өдөрт 3000-4000 тохиолдол илэрч, 8-9 хүн нас барна хэмээн тооцоолжээ. Харин иргэдийн хөл хөдөлгөөнийг 10 хувиар  бууруулбал өдрийн тохиолдол 1500-2000, нас баралт 6-8 болон огцом буурна хэмээн тодорхойлжээ. 

Эрдэмтдийн багаас гаргасан судалгаагаар иргэдийн дундах хөл хөдөлгөөнийг бууруулах нь цар тахлыг хумих гол арга гэдгийг дахин онцолжээ.