Ардчилсан намын төлөөлөл  Хууль зүй, дотоод хэргийн яамны гадаа мэдээлэл хийж,  461 дүгээр хорих ангид өлсгөлөн зарлаад 22 хонож буй "NoDoubleStandart" иргэдийн хөдөлгөөний тэргүүн Э.Одбаярын бие муудаж байгаа талаар мэдэгдлээ. 

Э.Одбаяр уургийн алдагдалд орж, бөөрний үйл ажиллагаа нь муудаж, 10 кг хасжээ. Эмч нарын зүгээс түүнийг өлсгөлөнг үргэлжлүүлбэл амь насанд нь эрсдэлтэй гэж анхааруулсан ч иргэн Э.Одбаяр өлсгөлөнгөө зогсоохгүй хэмээн мэдэгдсэн байна.

"NoDoubleStandart" иргэдийн хөдөлгөөний тэргүүн Э.Одбаярыг энэ сарын 6-наас эхлэн нэг сарын хугацаанд хорих шийдвэр гаргасан билээ.