Өнөөдөр /2021.12.30/ УИХ-ын чуулганы хуралдаан 10.00 цагт эхэллээ.

Хуралдаанаар “Оюу толгой ордоос Монгол Улсын хүртэх үр ашгийг хангуулах арга хэмжээний тухай” Улсын Их Хурлын тогтоолын төслийн эцсийн хэлэлцүүлгийг хийж эхэллээ.

УИХ-ын гишүүд асуулт асууж, хариулт авч дууссан. Мөн зарчмын зөрүүтэй саналын томъёоллоор санал хураахын өмнө гишүүд үг хэлсэн юм.

Тогтоолын төслийн 1.4 дэх хэсэгт, “Оюу толгой” ХХК-д хувьцаа эзэмгшигч болон гуравдагч этгээдээс нэмэлт зээлийн санхүүжилт авахгүй байх” гэж нэмэхийг дэмжих саналын томъёоллоор санал хураахад 70 гаруй хувийн саналаар дэмжигдлээ.

Мөн найруулгын шинжтэй өөр нэгэн саналын томъёоллоор санал хураахад 75.5 хувийн саналаар дэмжигдлээ.

Ингээд “Оюу толгой ордоос Монгол Улсын хүртэх үр ашгийг хангуулах арга хэмжээний тухай” Улсын Их Хурлын тогтоолын төслийг баталъя гэсэн томъёоллоор санал хураалаа.

Улмаар 74.1 хувийн дэмжсэн саналаар тус тогтоол батлагдлаа.