Согтууруулах ундаа хэрэглэсний улмаас биеэ авч явах чадваргүй болсон эмэгтэйг сууж явсан таксины жолооч нь хүчирхийлж, "Нарны хороолол" орчимд орхиж явсан хэрэг өнгөрсөн долоо хоногт гарчээ. 

Хохирогчийн гомдлын дагуу Баянгол дүүрэг дэх цагдаагийн нэгдүгээр хэлтэст эрүүгийн хэрэг үүсгэн, шалгаж эхэлсэн байна.

Хэрэг гарах үед хохирогч эмэгтэй архи, согтууруулах ундааны зүйл хэтрүүлэн хэрэглэсэн байсан гэх бөгөөд хаанаас, ямар таксинд сууснаа санахгүй байгаа аж. Түүнээс биологийн дээж авч, сэжигтнийг эрэн хайж байна.

Иймд, иргэд та бүхэн архи, согтууруулах ундааны зүйлийг тааруулан хэрэглэх, согтуурсан нэгнээ аюулгүй газарт хүргэж өгч, гэмт хэргийн хохирогч болохоос сэргийлэхийг цагдаагийн байгууллагаас анхааруулж байна.