Хотын дарга асан Э.Бат-Үүлд холбогдох хэргийн давж заалдах шатны шүүх хурал өнөөдөр болж, нэмэлт мөрдөн байцаалтад буцааж, Э.Бат-Үүл, А.Гантулга нарыг батлан даалтад гарган өнгөрсөн шөнө суллалаа.

Суллагдсан даруйдаа өөрийн байр сууриа илэрхийлсэн юм. Тэрбээр "Шүүх хурал хуулиа барьж чадлаа. Асуудал байвал шалгах хэрэгтэй. Ингэхдээ хуулийн дагуу шалгах нь зүй. Надад үүсгэсэн хэргийн тухайд хууль зөрчиж байснаа залруулж намайг суллалаа.

Давж заалдах шатны шүүхийн тогтоолыг танилцуулж байхдаа хууль зөрчсөн олон үйлдэл байсан нь тогтоогдсон юм. Мөрдөн шалгах болон, шүүхийн процесс хууль зөрчиж байжээ. Ер нь хотын дарга ч бай, жирийн иргэн ч бай адил тэгш эрхтэй. Намайг хорьж байх хугацаанд хэвлэн нийтлэх эрхийг минь хассан ч эргээд сэргээсэн" гэлээ.