Манай улсад 2022 оны гуравдугаар улирлын байдлаар гадаадын 92 улсын долоон мянган иргэн хөдөлмөрийн гэрээгээр цалин хөлс, орлого олох зорилготойгоор хөдөлмөр эрхэлж, мөн цалин, хөлс, орлого олох зорилгогүйгээр сайн дурын ажил хийж байна.

Энэ нь ажил эрхэлж буй гадаад иргэдийн тоо өмнөх оны мөн үеэс 1.3 (22.3%) мянган хүнээр, өмнөх улирлаас 0.8 (13.3%) мянган хүнээр өссөн үзүүлэлт аж. 

Ажил эрхэлж буй гадаад иргэдийн

  • 6.2 (88.1%) мянга нь эрэгтэй,
  • 0.8 (11.9%) мянга нь эмэгтэй байна.

Хөдөлмөрийн гэрээгээр ажил эрхэлж буй гадаад иргэдийн

  • 56.5 хувь нь БНХАУ-ын 
  • 5.3 хувь нь Энэтхэг Улсын
  • 4.9 хувь нь Вьетнам Улсын
  • 4.5 хувь нь ОХУ-ын 
  • 3.8 хувь нь БНСУ-ын,
  • 3.1 хувь нь АНУ-ын 
  • 3.1 хувь нь Турк улсын
  • 2.8 хувь нь Австралийн Холбооны улсын,
  • 2.7 хувь нь Филиппин улсын,
  • 2.4 хувь нь Өмнөд Африкийн Бүгд найрамдах улсын
  • 10.9 хувь нь бусад улсын харьяат байна.

Насны бүлгээр харьцуулбал 50-54 (16.9%), 45-49 (16.8%) насныхан хамгийн өндөр, 24 хүртэлх (2.8%) насныхан хамгийн бага хувийг эзэлж буй аж.