ХЗДХЯ-ны Төрийн нарийн бичгийн дарга П.Сайнзориг хошин шогийн жүжигчдийг алиалагчид хэмээсэн нь шүүмжлэл дагуулаад байна.

Тэрбээр сошиал хуудастаа "Хошин шогийн хэдэн “хүний эрхийг зөрчигч” алиалагч нар ч бас хувь нэмэр оруулсан даа. Хүн доромжилдогоо урлаг гээд ойлгосон гамшигууд. Хүн доромжилсоны төлөө төрөөс ч элдэв шагнал, гавьяатын тэмдэг зүүж өгдөг өө одоо болимоор юм. Компаниуд зар суртачилгаа, улс төрийн намууд сонгуульд хүн доромжлогч нараар нүүр царай хийж оодруулдагаа болих хэрэгтэй" хэмээсэн байв.

Тэгвэл П.Сайнзориг үүндээ дараах тайлбарыг хийв. Тэрбээр "Хүнийг ярианы хэллэг, хүйсийн чиг баримжаа, ядуу зүдүү, харагдах байдлаар нь доромжлох үзэгдэл байна. Бид үүнийг хэвийн юм шиг ойлгодог болсон. Урлагийнхан үүнийг хэвийн юм шиг харагдуулж, хэвийн юм шиг ойлголт олон нийт, хүүхэд залууст өгч болохгүй гэж би бичсэн.

Урлаг ёс зүйтэй байх ёстой. Хүнд сэдвүүд хөндөж байгаа бол тодорхой үзэгчдэд, тодорхой тайзанд тавих ёстой болохоос олон нийтийн хэвлэл мэдээллээр гэдэг ч юм уу ютуб сувгуудаар үзүүлж болохгүй. Хошин урлагийнхан ойлгож, хүлээж авч агуулгадаа анхаараач гэсэн санаагаар бичсэн.

Түүнээс биш нэр зааж, аливаа этгээдийг доромжилсон зүйл байхгүй. Бид хамтдаа нийгмийн сэтгэл зүйг өөрчлөх ёстой. Энэ нь Монгол Улсыг жижиглэж, хагалган бутаргах аюултай" хэмээлээ.