Сүүлийн үед нийгмийн байдлаас ч болоод тэр үү улс орны удирдлагын эргэлт шарвалтаас ч тэрүү нийгмийн үйл явдлын талаар аль болох сөрөг мэдээлэл л хүмүүст хүрэх болжээ.

Иргэдийн амьдрал зарим талаар сайжирч байгаа ч мөн саар тал их л болж байна. Заримдаа чоно шиг нийгэмд чоно шиг л амьдрахгүй бол агнуулчих гээд байна шүү гэх яриа ч гарсаар байна.

Түүнчлэн улс орны ирээдүй болсон залуусын ухамсар ихээхэн муудаж байна, ийм ч ноцтой гэмт хэрэг гарлаа, ийм ч болохгүй үйлдэл хийлээ, их архи ууж байна гэх мэтээр залуу үеийн талаар тийм ч таагүй мэдээлэл олон.

Үнэндээ бол манай нийгэмд сайн зүйл хийж байгаа залуус олон байгаа. Тиймээс энэ удаад хэдэн залуусын хийсэн ажлыг өндрөөр үнэлмээр санагдлаа. Залуучууд бид урмаар тэтгэгдэх тусам хийж бүтээх урам зоригоо тэр хэмжээгээр авна гэсэн үг. Энэ удаад магтах гээд байгаа шалтгаан хэн нэгэнд тийм ч бахархах зүйл биш санагдаж магад. Миний хувьд үнэхээр ийм сэтгэхүйтэй залуус байгаад талархалтай байна.

Учир юу гэвэл Говь-Алтай аймгийн Шарга суманд хэсэг малчин залуус хонь руу гэтэж явсан ирвэстэй таарчээ. Улаан номонд орсон ховор амьтны ямар алалтай биш хэмээн бугуйлдаж бариад ууланд аваачин тавьсан байна.
 

Үнэндээ хүмүүсийн яриад байгаа шиг залуучуудын ухамсар үнэхээр доройтсон бол тэд улаан номонд орсон амьтныг агнан гэртээ гангараа хийж, эсвэл цааш дамлан зарах ч байсан байх. Харин тэд эрх мэдэлтнүүд шиг амьтан агнан зугаацахыг хүссэнгүй онгон байгальд нь эргүүлэн тавьжээ. Энэ мэт үйлдэл нь цаашлаад бидний дараагийн үе хочид үлгэр дууриал шүү дээ. Аливаа зүйлийг бага гэж бодолгүй болж бүтэж байгааг магтан урам өгөх хэрэгтэй болов уу.

Түүнчлэн Монгол залуус маань ийм л эрмэг зоригтой шүү. Уулын араатныг бугуйлдана гэдэг хэр хүний хийдэг зүйл биш дээ. Гадаадын улс орны мэргэжилтнүүд ирвэсийг харахын тулд барихын тулд хэрхэн ажилладаг билээ. Гэтэл манай залуус эр зориг гарган түүнийг онгон байгальд тавин явуулсан.

Тиймээс би эдгээр залуусаараа бахархаж байна. Ямартаа ч тэд миний хувьд үнэхээр сайн үйлсийн эзэд ...

Энэ мэдээг цааш түгээн нийгэмд тустай залуусаа магтан сайшаая