2023 оны 2-р сарын 9-нд Улсын Дээд Шүүхийн нийт шүүгчдийн хуралдаанаар Л.Гантөмөрийг Ардчилсан Намын даргаар албан ёсоор бүртгэсэн билээ. Ингэснээр 2020 оны сүүлээс эхэлсэн АН-ын хуваагдал албан ёсоор дуусч, тус нэг даргатай болж, улмаар нэг Хэрэг Эрхлэх Газартай, Нэг намын төв байртай болсон юм.

Өдгөө АН намын Ерөнхий Нарийн Бичгийн Дарга, Дэд Дарга, Нарийн Бичгийн Дарга нараа томилох ёстой байгаа.

Гэвч С.Эрдэнийн АН-ын дарга гэж байх үедээ буюу 2022 оны 3-р сарын 17-нд Улсын дээд шүүхэд бүртгүүлсэн тус дүрмийн өөрчлөлтөөс үүдэлтэй нэгэн ээдрээтэй нөхцөл байдал АН-д үүсчээ. Уг дүрмийн дагуу, АН-ын Үндэсний Бодлогын Хорооны дарга гэж АН-ын даргаас дутахгүй эрх мэдэлтэй нэгэн албан тушаалтан тус намд бий болсон.

Уг албан тушаал хоёр эзэнтэй байгаа. Тодруулбал УИХ-ын гишүүн Ж.Батсуурь, УИХ-ын гишүүн Д.Ганбат нар өөрсдийгөө АН-ын Үндэсний Бодлогын Хорооны дарга гэж үзсээр байгаа төдийгүй Ж.Батсуурь 8-р сарын 28-нд, Д.Ганбат 8-р сарын 16-нд тус тус АН-ын ҮБХ-ы хурлыг зарласан байна.

 

Н.Отгончимэг

сонин.мн