Цэцэг төвийн уулзвар дээр зам тээврийн ноцтой осол гарсан  талаар иргэн “Дөнгөж сая цэцэг төвийн уулзвар дээр машинтай, гэрлэн дохио хүлээж байх хооронд, эсрэг урсгалаас гэнэт энэ машин гарч ирээд, гэм зэмгүй гарцан дээр зогсож байсан хүний дээгүүр даваад гарсан. Би нүдэндээ ч итгэхгүй байна, энэ бүхэн 1 сeкунд хүрэхгүй хугацаанд миний нүдний өмнө болоод өнгөрлөө” хэмээн цахимд оруулсан юм. 

Тэгвэл уг хэргийн талаар албаны хүнээс тодруулахад, "Чингэлтэй дүүргийн 1-р хороо Цэцэг төвийн урд Nissan X Trail маркийн автомашины жолооч Т нь явган зорчигч 13 настай, эмэгтэй хүүхдийг мөргөсөн гэх дуудлага мэдээллийг Тээврийн цагдаагийн алба шалгаж байна.

Хүүхэд эмнэлгийн байгууллагын тусламж авсан, одоогоор биеийн байдал хэвийн байна. Жолооч согтууруулах ундааны зүйл хэрэглээгүй" гэлээ.