Улаанбаатар хотод өнөөдөр цас орж, хүчтэй салхи шуургатай байна. Тодруулбал, өдөртөө агаарын температур -3 градус болж, өчигдрөөс -5 градусаар хүйтрэн цас орж, хүчтэй салхи шуургатай байх тул цаг агаарын нөхцөлийг тооцон ажлаа төлөвлөхийг Цаг уур, орчны шинжилгээний газраас зөвлөсөн.

Тэгвэл, халтиргаа гулгаанаас сэргийлэх зорилгоор нийслэлийн хэмжээнд зам цэвэрлэгээний 24 байгууллагын 360 ажилтан 58 машин техниктэйгээр өгсүүр, алслагдсан болон зуслангийн замуудад давс, тусгай зориулалтын бодис цацахаар бэлэн байдал ханган ажиллаж байна.

3801.4 тонн давс, 2730.3 тонн бодисын нөөцтэй байна.