СЭМҮТ-ийн Ерөнхий  захирал Л.Эрдэнэбаяр нь 2006 оноос 2013 оны 1-р сар хүртэл байгууллагадаа  хүн  ажилд  авахдаа 1-1,8 сая төгрөгөөр хахууль авдаг жишиг үнэ  бий болгож, чадсан ба уг асуудлыг  хөндөж  ярьсан  ажилчидаа амаа  хамхихгүй  бол  ажилгүй  болж,  гудамжинд  лааз өшиглөнө  шүү  хэмээн дарамталдаг  байсан .

Тэрээр  улсын  3-р шатлалын  эмнэлгийг  өөрийн  хувийн эмнэлэг  мэт ойлгож, ах дүү хамаатан  садангаа  болон дэд  захирал  Л.Насанцэнгэл, Ерөнхий ня-бо  н.Энхжаргал  нарын  ах дүү  хамаатан  садангуудаар хүрээлүүлэн  өнөөг  хүртэл  ажиллаж  байна.

Тухайлбал:Түүний төрсөн дүү болох Лувсандорж овогтой Эрдэнэчимэг тус төвийн нөхөн сэргээх тасагт нярав, түүний хамтран амьдрагч н.Баярсайхан цаг бүртгэгч, тэдний охин Итгэл овогтой Баяржаргал нь мэдээлэл технологийн албанд 2012 оны турш ажлаагүй мөртлөө цалин авч ирсэн байх жишээтэй. Түүнчлэн төрсөн дүү Лувсандорж овогтой Эрдэнэцэцэг үнэгүй эм олгогч, төрсөн охин н.Наранчимэг нөхөн сэргээх тасагт реабилитатор гэх мэт тус төвд ажилладаг захирлын хамаатнуудын жагсаалт хөвөрнө.

Түүний араас СЭМҮТ-ийн стратеги, эрдэм шижилгээ, сургалт хариуцсан дэд захирал одоо захирал болох Л.Насанцэнгэлийн ах дүү нарынх нь цувааг дурьдвал төрсөн ах болох Лхагвасүрэн овогтой Насанбат жижүүр, дүү Лхагвасүрэн овогтой Насанбадрал мужаан, дүү Лхагвасүрэн овогтой Насанбаяр үйлчлэгч түүний эхнэр н.Бямбасүрэн сувилагч мөн дүү Лхагвасүрэн овогтой Насанжаргал эмч түүний эхнэр н.Баярмаа эмч, 2012 оны 07-н сараас Л.Насанцэнгэлийн хүү Зоригтбаатрын Оргил нь эмчийн орон тоон дээр бүртгүүлэн өнөөг хүртэл огт ажил хийлгүйгээр  эмчийн үндсэн цалинг авсаар л...

Ерөнхий ня-бо  н.Энхжаргалийн хүү Ариунболд захиргаанд  мэргэжилтэн, дүү Намжилсүрэн үйлчлэгч, охин  Алдрай туслах  сувилагч,  хүргэн  Лхамаачин  слесарь,  охин  Жанчив  тогооч  гэх мэт  гэр  бүлийнхээ 14 хүнийг энэ  байгууллагад  ажиллуулдаг.

Л.Эрдэнэбаяр, Л.Насанцэнгэл  нар  нь  БНХАУ-ын  нэгэн  эмнэлэгтэй  харилцаатай  ойр  ойрхон урагшаа явдаг  байсан  ба 2012  оны 07-р сард  урд  түншүүдээ  ирэхэд  нь ор  хүрэлцэхгүй  учир хамтдаа унтдаг  өвчтөнүүдэд  ор  авч  хүрэлцэхгүй  байгаа  төсвийн  мөнгөнөөс 10  сая төгрөгөөр “Тэрэлж”-д зугаацсан.

Мөн  нэр  бүхий  залуу  сувилагч  нарыг   авч  явж, үйлчлүүлсэн  ба  зугаа  цэнгэлд  явахаас  татгалзсан  залуу  сувилагч  нарыг  ажлын  байрны  дарамт  учруулж,  миний  үгнээс  гарвал  яадгийг  үзээрэй  хэмээн  заналхийлсэн байх юм.

Түүнчлэн 2006  оноос  өнөөг  хүртэл  Л.Эрдэнэбаяр,  Л.Насанцэнгэл, ерөнхий ня-бо н.Энхжаргал, эмийн сангийн эрхлэгч н.Оюунгэрэл нар  нь  үгсэн  хуйвалдаж тендерээр  тодорхой  эмийг  авдаг хэдий  ч  бусдыг  нь  Оюунгэрэлд цалинтай  чөлөө өгөн  хөх хотруу явуулж  сэтгэц  нөлөөт  эм  авчиран  байгууллагадаа  шахан  ашгаа  хувааж  авдаг.

2013 оны 01-р сарын 14-нд Л.Эрдэнбаярыг салбарын сайд нь ажлаас нь чөлөөлж  Л.Насанцэнгэлийг  үүрэг  гүйцэтгэгчээр томилсон  билээ.  Гэтэл Л.Насанцэнгэл  нь  үүрэг  гүйцэтгэгчийн  эрх  мэдлийг  хэтрүүлж Л.Эрдэнэбаярыг 2013 оны 02-р сарын 01-ээс  буцаан  авч 1600 000  төгрөгөөр  цалинжуулж  9911... тэй  гар утасны  төлбөр  байгууллагын  унааг  хувьд  ашиглуулж төсвийн  мөнгийг  дур  мэдэн  зарцуулсаар  байна.

Мөн  Л.Эрдэнбаяр, н.Энхжаргал,  Л.Насанцэнгэл  нар  нь  үгсэн  хуйвалдаж  олон зуун  сая  төгрөгний бараа  бүтээгдэхүүнийг эмнэлэгтээ тендергүйгээр нийлүүлсээр  байна.  Дээрхи бодит асуудлуудыг салбарын сайд Н.Удвалд хэлж мэдэгдэж бичсээр байтал Л.Насанцэнгэлийг СЭМҮТ-ийн захирлаар тавихаар болсон байна. Шинэчлэлийн ЗГ эрүүл мэндийн салбарт хэзээ, хаана, ямар шинэчлэлийг хийх гээд байгаа юм бол доо...

З.Номин