"Хурд" рок хамтлаг нь анх 1987 онд Төмөр замын вагон депогийн ажилчин хэсэг залуусын дунд хөгжим сонирхогчийн хэмжээнд байгуулагдаж, уран бүтээлээ туурвиж эхэлсэн билээ. Улмаар 1991 оны ардчилсан хувьсгал гарч уг хамтлагийн нэгдүгээр бүрэлдэхүүн тарснаар, тус бүрэлдэхүүнд тоглож байсан бөмбөрчин Д.Ганбаяр үлдэж 1993 оноос одоогийн бүрэлдэхүүнийг сонгон шалгаруулж, метал рок хөгжмийн төрлөөр уран бүтээлээ туурвисаар 20-н жилийн ойтойгоо учран золгосон.

Ойгоо тохиолдуулан тус хамтлаг бүх цаг үеийн хит болсон шилдэг дуунууд эгшиглэх “BEST HITS OF HURD SHOW CONCERT” тоглолтоо "Мишээл Экспо" төвд энэ сарын 10-нд 19:00 цагаас ганцхан удаа тоглолтоо хийх товоо зарлан фэнүүддээ баярлуулаад байгаа.

Тэгвэл тун чиг баяртай мэдээг дахин дуугах гэж буйдаа баяртай байна. Тодруулбал, маргааш буюу энэ сарын 9-нд 11 цагаас төрийн ордонд гитарчин, ая зохиогч Д.Отгонбаярт "МУГЖ" цол тэмдгээр энгэрийн мялаахаар зарлиг гарчээ.

Д.Ана