Прокурорын байгууллагын 2024 оны хяналтын ажлын дүн мэдээ, Нийслэлийн Прокурорын Газраас хяналт тавьсан зарим хэргийн хяналт шийдвэрлэлт, явц байдлын талаар өнөөдөр мэдээлэл хийлээ.

Энэ үеэр УИХ-ын гишүүн асан, Архангай аймгийн "Бөхбилэгт" бөхийн дэвжээний тэргүүн, яруу найрагч Ж.Мөнхбатын нүүрсний хулгайн хэрэгт холбогдон шалгагдаж байх үедээ оргон зайлсан гэж үзэн, эрэн сурвалжлах ажиллагаа хийгдэж эхэлсэн тухай НПГ-ын хэрэг бүртгэх, мөрдөн шалгах ажиллагаанд хяналт тавих хэлтсийн дарга Ц.Гансүлд өгүүлсэн юм.

Ж.Мөнхбат нь 2023 оны хоёрдугаар сарын 1-нд УИХ-ын гишүүнээс татгалзах хүсэлтээ өгч, тухайн оны гуравдугаар сарын 23-нд чөлөөлөгдсөн. Тэрбээр 2023 оны аравдугаар сард улсын хилээр гарснаас хойш эргэн ирээгүй гэх мэдээллийг "Нүүрсний сонсгол"-ын үеэр өгч байв.