П.Батчулуун эмчид хорих ял эдлүүлэхээргүй болж буй талаар Хууль зүй, дотоод хэргийн сайд О.Алтангэрэл мэдээлэл өглөө.

Тэрээр "П.Батчулуун эмчийн хувьд харамсалтай зүйл болсон. Монгол Улсын хүчин төгөлдөр шүүхийн шийдвэр гарсан.

Хууль зүй дотоод хэргийн яам, түүний харьяа байгууллага шүүхийн шийдвэр гүйцэтгэх байгууллагын хувьд шүүхийн шийдвэрийг гүйцэтгэх үүрэгтэй. Хорих ялаас чөлөөлөх өвчний жагсаалт гэж байдаг. Хорих байгууллагын эмнэлгээс комисс хуралдаад ялаас чөлөөлөх өвчний жагсаалтад багтсан өвчтэй хүн байна гэж үзэх юм бол хорих ялаас чөлөөлөх саналыг гаргадаг. Энэ дүгнэлтээ прокурорын байгууллагад хүргүүлээд, прокурорын байгууллага шүүх шинжилгээний байгууллагаар дүгнэлт гаргаад шүүх рүү хандаж асуудлыг шийдвэрлүүлдэг. П.Батчулуун эмчийн өвчилсөн байгаа өвчин нь хорих ял эдлэхээс чөлөөлөх өвчний жагсаалтад багтсан. Тиймээс түүнийг хорих ялаас чөлөөлөх нь зүйтэй гэсэн санал шүүхийн шийдвэр гүйцэтгэх байгууллагын зүгээс гараад прокурор дээр хянагдаад явж байгаа” гэсэн тайлбар өглөө.

Эх сурвалж:www.polit.mn