Өнгөрөгч долоо хоногт орон даяар явагдсан элсэлтийн шалгалт маргаан дагуулаад байгаа. 12 дугаар анги төгсөгчид болон эцэг эхчүүдийн зүгээс элсэлтийн шалгалтыг гүнзгийрүүлсэн түвшний хэмжээнд боловсруулсан гэдэг асуудал тавьж байгаа бол элсэлтийн шалгалтыг хариуцдаг Боловсролын Үнэлгээний Төвөөс үгүйсгээд байгаа юм. 

Энэ талаар Боловсролын сайд П.Наранбаяр өнгөрөгч Ням гарагт цахим хуудсаараа дамжуулан байр сууриа илэрхийлсэн байна. 

Тэрбээр "Боловсролын үнэлгээний төвийн (БҮТ) мэргэжилтнүүдтэй уулзаж дэлгэрэнгүй тайлбар авав. БҮТ 1,000 бодлогоос сонгохдоо өнгөрсөн жилүүдийнхээс хүндэвтэр бодлого сонгосон байж болохоор байна. Гэхдээ энэ жилийн математикийн ЭШ өгсөн сурагчдын 52% нь 490 онооны босгоо давжээ. 800 оноо авсан сурагчдын тоо 38 болж өнгөрсөн жилийнхээс 7-гоор нэмэгдсэн байна. Сурагчдадаа баяр хүргэе" гэжээ. 

ВИДЕО ҮЗЭХ: