Жижиг, дунд үйлдвэрийн газрын дарга Я.Эрдэнэсайхан Оросын Холбооны Улсаас Монгол Улсад суугаа Худалдааны төлөөлөгч Васильев Максим Викторович, мэргэжилтэн Дарья Сергеевна Ткач нарыг энэ сарын 09-ны өдөр хүлээн авч уулзав.

Монгол Улсын Засгийн газраас Жижиг, дунд үйлдвэрийн салбарт авч хэрэгжүүлж буй бодлого, үйл ажиллагааны талаар танилцуулав.

Талууд Монгол, Оросын найрсаг харилцааг өргөжүүлэх, жижиг, дунд бизнес эрхлэгчдийн хамтын ажиллагааг өргөжүүлж, хоёр улсын хүнс, хөдөө аж ахуй, хөнгөн үйлдвэр, жижиг дунд үйлдвэрийн бүтээгдэхүүний хамтарсан үзэсгэлэн худалдааг зохион байгуулах талаар талууд шийдвэрлэв.

Мөн жижиг, дунд үйлдвэрийн хүний нөөцийг чадавхжуулах, харилцаа, хамтын ажиллагааг бүхий л чиглэлд гүнзгийрүүлэн хөгжүүлэхийг илэрхийлэв.