Азийн зуны спортын XVII наадам БНСУ-ын Инчён хотод 12дахь өдрөө үргэлжилж байгаа юм. Өчигдөр болсон боксын медалийн төлөө манай тамирчид рингенд хүч үзсэн.

Эрэгтэйчүүдийн 56 кг-д өрсөлдсөн Гавьяат тамирчин Н.Төгсцогт эхний тойрогт гоц мөргөж, Туркменистаны боксчин Мередовыг 3:0-оор (30:25, 29:27, 30:25) илт илүүрхэж, ялаад байсан. Тэрбээр хүрэл медалийн төлөө эзэн орны тамирчинд ялагдав.

БНСУ-ын боксчин манай тамирчинг гурван үеийн турш нэг оноогоор илүүрхэж байсан ялалтыг өөрийн орны тамирчинд өгч олон нийтийг гайхашруулсан. Тиймээс түүний тулалдааны бичлэгийг дахин шүүж үзэхийг шүүгчдээс хүссэн боловч тэд хүсэлтийг хүлээн аваагүй. Манай иргэдийн хувьд уг тулааныг шударга бус шүүсэнд ихэд бухимдалтай байгаа билээ. 

Тэгвэл энэ талаар С.Төгсцогт "Бүгдээрээ сайн байцгаана уу. Миний төлөө санаа тавьж, дэмжиж хамгаалж байсан хүн бүрт баярлалаа. Зарим нь багагүй бухимдсан бололтой. Намайг гэсэн сэтгэлтэй ийм олон хүн байхад би улам зоригжиж дараа дараагийн тэмцээндээ та бүхнийгээ баярлуулахын төлөө хичээх болно оо. Монголчууд минь ямар хүчтэй бас агуу сэтгэлтэй хүмүүс юм бэ. Та нартаа чин сэтгэлээсээ талархаж байна. Баярлалаа" хэмээлээ. Уншигчдынхаа өмнөөс түүнд улам их амжилтыг хүсэн ерөөе.