Орчин цагийн залуусын амьдралын хэв маягийг гэрэл зургийн аппаратгүйгээр төсөөлхийн аргагүй болжээ. Тиймээс ч хүчирхэг сайн аппаратаар “гангарч”, гэрэл зургийн ертөнцөд авьяасаа сорих залуус олон болж байна. Гэвч, сайн аппаратаар л галзуу зураг авна гэж ойлговол үгүй юм.

Гэрэл зурагчин Б.Эрдэнэбулган аппаратаа үүрээд долоо хоног бүр аялалд гарна. Түүний аялал сайхан зураг авах ганцхан зорилготой учраас уйтгарлах зав түүнд үгүй. Тэр зургаа ямар хийцтэй авах уу, байгалийн дахин давтагдашгүй үзэгдлийг гэрэл зурагт хэрхэн илэрхийлэх вэ гэдгийг мэддэг, мэдэрч чаддаг нэгэн.

Монгол орны байгалийн үзэсгэлэнт газруудыг тойрох аяллынх нь туршид адал явдал өрнөж, үзээгүй хараагүй олон үйл явдлыг авай дурандаа буулган, маш сонирхолтой аялдаг түүний судалбар зургаас энэ удаа та бүхэнд танилцуулж байна. Дөрвөн улирлын өнгө аясаас хол хөндий мэт амьдардаг хотын бидэнд нов ногоон тал, цэлмэг тэнгэр, горхины тунгалаг ус, шүүдрийн дусал, шувуудын жиргээ, бас улирал бүхэн сайхан гэдгийг түүний гэрэл зурагнууд харуулах биз ээ.