Залуусын “Like-д нэгдэцгээе” гэсэн өвөрмөц содон уриатай аян эхлээд удаагүй байгаа билээ. Тус аяны фэйсбүүк хуудас нээгдсэн даруйдаа олуулаа болж 9000 гаруй залуусыг эгнээндээ нэгтгэж хүрээгээ тэлсээр байна. Цахим ертөнцийн гол үнэлэмж болох like-аар нийгмийн чухал асуудлуудыг хөндсөн “Мод тарьсанд like”, “Авлигагүй бол like”, “Архигүй бол like”, “Оюутны 70 like” болон “Таны оролцоонд like” гэх содон таван ажлыг залуус дэмжин олон нийтэд нэгдэхийг уриалсан.

Тэгвэл энэ аян цахим хүрээнээс хальж, урлаг соёлын уран бүтээлчдээр хүрээгээ тэлсээр байна. Одоогоор тус аянд залуусын сонсох дуртай Мотив хамтлаг, дуучин Г.Тэнүүн, ТВ коктель хамтлагийн уран бүтээлчид дээрхи уриалгыг дэмжин Лайк-д нэгдээд байна. Тус аяны залуус өчигдөр Драмын театрын өмнөх талбайд Флаш моб хийж өөрсдийн уриалгаа олон нийтэд өвөрмөц байдлаар хүргэсэн. Хэрвээ та “Like-т нэгдэцгээе” аянд нэгдэж амжаагүй байгаа бол фэйсбүүкийнhttp://www.facebook.com/LikeMongolia цахим хуудаст зочилж болох юм. “LIKE-т НЭГДЭЦГЭЭЕ”