“Ах дүүс” уран сайхны кинонд тоглосон жүжигчин Д.Оюунзулыг та андахгүй сайн таньж байгаа биз ээ.

“Шилдэг өнгө”, “Х-Түц” продакшны томоохон тоглолтод оролцож явсан туршлагатай жүжигчин бүсгүй сүүлд "Бардо" уран сайхны кино, "Сэрүүн хасын нууц" эмгэнэлт драмын жүжиг, "Хүний дуу хоолой" сюрреалист моно драм зэрэгт тоглож, өсч яваа уран бүтээлч гэдгээ харуулсан.

Тэрбээр “Блэк Бокс” театрын тайзнаа анх удаа тавигдсан Францын алдарт яруу найрагч, зохиолч, жүжгийн зохиолч, зураач, кино найруулагч Жан Коктогийн “Хүний дуу хоолой” моно драмын гол дүрээрээ "Гэгээн муза" хүртэж олноос магтаалын үгийг харамгүй авсан авьяаслаг нэгэн.

Гоо сайхны мэс заслын талаар нэгэнтээ "Хийлгэсэн байгаа хүмүүс хараад нэг их буруутгадаггүй. Миний хувьд бол аз болж аав, ээж маань намайг нээх засаж янзлаад байх эрхтэнтэй төрүүлээгүй, би хэвийн л хөгжилтэй" хэмээсэн түүний "будаг"-гүй төрхийг хүргэж байна.

Д.Ана