2. V цахилгаан станц ааль дээр үед Сү.Батболдын үед ТЭЗҮ-ийг нь боловсруулж, Н.Алтанхуягийн ЗГ барьж байгуулж үүд хаалгыг нь нээсэн юм. Хэзээдээ Ч.Сайханбилэгийн ажил болчихсон юм бүү мэд. Тэрээр энэ зун гялалзуулчихсан гэж байхгүй юм. Мөн Эгийн голын болон бусад усан цахилгаан станцууд бүгдээрээ Н.Батбаярын олж ирсэн Чингис, Самурай бондуудаас санхүүжиж одоог хүртэл явж байна.

3. Оюу толгой, Таван толгой, Бороо гоулдд ямар ч ажил одоогоор хийгдээгүй байгаа бөгөөд Ч.Сайханбилэг "Би Дубайд гэрээ зураагүй" хэмээн сүүлд нь буланд шахагдан бултаж алга болсон. Алт олборлолтыг УИХ дэмжиж татварын хөглөлтийг үзүүлсэн байдаг бөгөөд үүнд УИХ-ын дарга З.Энхболдын хувь нэмэр асар өндөр байдаг. 106 лиценз олгох, хайгуулын лиценз олгох ажлыг Уул уурхайн сайд асан Д.Ганхуяг ихээхэн хүчин чармайлт гарган УИХ-аар зөвшөөрүүлж чадсан байдаг.

4. Ямар ч яам тамгын газруудад хэмнэлт гараагүй бөгөөд Шилэн дансны тухай хуулийг Ерөнхийлөгч Ц.Элбэгдорж санаачлан иргэн Б.Цогтгэрэл энэ хуулийн талаар зарга үүсгэн амьдрал дээр ихээхэн эрч хүчтэй хэргэжүүлж байгаа бөгөөд Засгийн газар тэр дундаа Ч.Сайханбилэг Шилэн дансаа хөтлөхгүй байгаа хэмээгдэн АТГ-т шалгагдаж байгаа юм.

Шилэн Хяналт хэмээх ажил одоогоор огт эхлээгүй байна.

5. 3 сая дахь иргэнийг төрүүлхэд Ч.Сайханбилэгийн оролцоо огт байгаагүй нь ойлгомжтой юм. Тэрээр Өмнөговь аймагт очиж 3 сая дахь иргэнд баахан дарга нар дагуулан очиж бэлэг өгч байсан нь ажил юм бол түүнийгээ л бичсэн байх. ТҮЦ машин нь МТШХХГ-ын дарга Ц.Жадамбаагийн санаачлагаар тухайн үеийн Н.Алтанхуягийн супер дэмжлэгтэйгээр анхны машинууд суурьлагдан иргэдийн талархалыг хүлээж байсан бөгөөд одоо харин ч Ч.Сайханбилэгийн Засгийн газар МТШХХГ-ыг 2016 онд татан буулгахаар 2016 оны төсвийн хуульд оруулж ирсэн байгаагаа мартсан бололтой.

Элэгний С вирусын эм нь ЭМ дэд сайд Ж.Амарсанаагийн санаачлагаар хийгдсэн ажил бөгөөд уг ажлыг 99% тайгаар хүлээлгэн өгч байсан бөгөөд одоо түүнийг нь Ч.Сайханбилэг барьж аван шоудаж эхэллээ. Тэтгэвэрийн нэмэгдэл нь Шинэчлэлийн ЗГ-ын үед 20 мянган төгрөгөөр нэмэгдсэн бөгөөд Шийдлийн засгийн газрын үед 1 төгрөгөөр ч нэмэгдээгүй харин ч 2016 онд хасах, тэтгэвэрийг өгч чадахгүйд хүрээд байгаа юм.

6. Буянт-Ухаа хороолол, Шинэ Яармаг хороололууд нь бүгдээрээ Сү.Батболдын Засгийн газрын үед анх санаачлагдан эхлэж байсан ажлууд бөгөөд Н.Алтанхуяг ажил болгон барьж байгуулж дуусгасан юм. Яагаад ч Ч.Сайханбилэгийн ажил биш. Түүний ямар ч оролцоо байхгүй.

7. Хөшгийн хөндийн нисэх онгоцны буудал нь аль дээр үед М.Энхболдын ЗГ-ын үед санаачлагдан Н.Алтанхуягийн үед эрчээ авч барилгын ажил хурдтай явж эхэлсэн юм.

Мөн Иргэний нисэхийн үндэсний корпораци байгуулах ЗГ-ын тогтоол гарсан хэдий ч одоог хүртэл тамга тэмдэггүй, гэрчилгээ ч байхгүй, захирал ч байхгүй, хамт олон, төсөв төлвөлгөө ч байхгүй нэг тийм цаас л бий. Иргэний нисэхийн салбарт Ч.Сайханбилэгийн ямар ч хийсэн ажил байхгүй. Харин Хөшигийн хөндийн уг олон улсын нисэх онгоцны буудлыг 30 жилийн хугацаатайгаар Япончуудад өгөх тухай яриа байгаа. Уг нь энэ нисэх буудлыг Монгол Улсын Засгийн газар Япон улсаас зээл авч бүтээн байгуулж байна.

8. Богд уулын төмөр зам нь Сү.Батболдын үеийн санаачлага, одоогоор 1 хүрз шороо ч тэнд асгаагүй, аймгуудыг холбосон 1 ч зам Ч.Сайханбилэгийн үед нээлтээ хийгээгүй.

Харин А.Гансүх сайдын үед Гашуун сухайт чиглэлийн төмөр замын ажил ихэнхи бүтээн байгуулалтуудаа хийсэн байдаг бөгөөд аймаг орон нутгуудыг хатуу хучилттай замаар холбон, төмөр бетон болон энгийн гүүрнүүдийг олон арваар нь барьж байгуулж байсан юм. Хөшигийн хөндийн авто замыг мөн Н.Алтанхуягийн Засгийн газар л амь оруулж хөдөлгөж эхлэж байсан юм.

Эх сурвалж: http://tsag.mn/