Зам тээврийн яамны төрийн нарийн бичгийн дарга Б.Батзаяаг зохион байгуулалттай бүлэг, гэмт бүлэглэл үйлдэж, улсад онц их хэмжээний хохирол учруулсан хэрэгт сэжиглэн шалгаж байгаа.

Тодруулбал тэрбээр Гашуунсухайт чиглэлийн төмөр замыг барих эрхийг “Энержи ресурс”-аас авч, “Монголын төмөр замд” шилжүүлсэн аж.

Зам, тээврийн сайд байхдаа Х.Баттулга энэ эрхийг “Монголын төмөр замд” өгчихсөн нь “Энержи ресурс”-ынхантай Тавантолгой, төмөр замын маргаан үүсгэсэн байдаг. Уг ажлыг гүйцэтгэсэн хүн нь “Монголын төмөр зам” ТӨХК-ийн захирал асан, Зам, тээврийн яамны Төрийн нарийн бичгийн дарга асан Б.Батзаяа.

Тэгвэл түүнтэй хамт тус яаманд сайдын зөвлөхөөр ажиллаж байсан “Либерти партнерс”-ийн захирал Ч.Ганбат, “МТЗ” ТӨХК-ийн дэд захирал П.Бат-Эрдэнэ нарыг ч мөн баривчлахаар тушаал нь зэрэг гарчихсан байгаа. Гэвч 31-ний бямба гаригийн өдөр тэр Монголд ирэх байсан ч баривчлах тушаал гарсаныг мэдээд Сингапурт үлдсэн нь тогтоогджээ. Харин “МТЗ” ТӨХК-ийн дэд захирал асан П.Бат-Эрдэнэ Австралид сурч байгаа бөгөөд и-мэйл, фэйсбүүк хаягаа хүртэл хаачихжсан аж.

Тиймээс Х.Баттулга сайдын зөвлөхөөр ажиллаж байсан Ч.Гансүх, Монголын төмөр замын гүйцэтгэх захирал асан П.Бат-Эрдэнэ нарыг интерполоор эрэн сурвалжлахаар болжээ. Тэднийг Тавантолгой Гашуун сухайттөсөлд нийт 487 сая доллар, 2.1800 км төмөр замын зураг төсөлд 11.8 сая доллар, хуулийн үйлчилгээнд 4.5 сая, эдийн засгийн зөвлөн үйлчилгээнд одоогоор 1.9, хяналтын зөвлөх үйлчилгээнд 5.5 сая нийт 510 сая долларын гэрээнд тухайн үед гарын үсэг зурсан асуудлаар сэжигтэнд тооцон шалгах юм байна.

Н.Чимэг