Байгууллагынхаа гаднах орчныг чимэглээгүй бол "гахай" наана
2015/12/27
Шинэ шилийн баярын уур амьсгал бий болгоход байгууллага, аж ахуйн нэгжүүдийн оролцоог нэмэгдүүлэх зорилгоор нийслэлээс "Шилдэг тохижилт чимэглэл бүхий аж ахуйн нэгж байгууллага шалгаруулах уралдаан зарлажээ.
Уралдаанд оролцох аж ахуйн нэгжүүд сүлд мод, өвлийн өвгөн, цас, мөсөн урлал, гэрлэн чимэглэл гэх мэт орчны тохижилтыг шинэ жилийн баярын уур амьсгал бүрдүүлсэн байдлаар хийнэ. Гадна хаяг, гэрэлтүүлэг, чимэглэлийг орчин үеийн шинэлэг хэв маягаар шийдэн, хаягаа монгол крилл үсгээр бичиж, техникийн аюулгүй байдлыг хангасан байна. Мөн орчны 50 м хүртэлх талбайн хог цэвэрлэгээ, цас мөсөө тогтмол арилгаж, хальтиргаа гулгаа үүсгэхгүй байхад анхаарсан байх юм.
Нийслэл хотод шинэ жилийн баярын уур амьсгал бүрдүүлэх, хотын гэрэлтүүлэг, тохижилтыг нэмэгдүүлэхэд хувь нэмрээ оруулсан байгууллагуудад сайшаасан “Тусгай тэмдэг” наана. Харин зохион байгуулсан арга хэмжээнд оролцоогүй нийслэлийн өмнө хүлээсэн үүргээ биелүүлээгүй байгууллагуудад сануулсан “Гахай” нааж олон нийтэд зарлана. Удаа дараа хариуцлагагүй хандсан байгууллага аж ахуйн нэгжийг хууль тогтоомжийн дагуу арга хэмжээ авах юм.
Шинэ жил угтсан ажлын хүрээнд Мэдээлэл холбооны сүлжээ ТӨХК-ний байрны цамхагт байрлах Нийслэлийн цагийг “Гэрэлтүүлэг чимэглэл” компани хариуцан чимэглэж байгаа. Мөн Улаанбаатар хотын Захирагчийн ажлын алба, дүүргүүдтэй хамтран он солигдох мөчид Чингисийн талбайд шинэ оноо угтаж буй иргэдэд зориулан 30 гаруй аж ахуйн нэгжийг хамруулсан худалдаа үйлчилгээ гаргах гэнэ.
Зочин · 2015/12/28
Suhbaatariin talbai deer bosgoson suld modiig neg haraad uhaan aldah duhson shuu nodnin nuduu muuhai mud shig yumaa ene jil dahiad bosgochihson bas gerliig ni 15 -nd asaajee ungursun jil 680-aad say tugruguur bosgoson genee arai ch dee zahiin boohan hyamd ssgssr chimchihsen heniig ingej doromjilood bgaa yum bol busad hotuud ard irgedee hundeleed mash goy zassan bna shuu dee.Idej bgaa mungu chine hureegui bol AA-negjuudeer zasuulah bsan yum nudnii bulainuud arai ch dee.