Монголын Урчуудын эвлэлийн үзэсгэлэнгийн танхимд энэ сарын 14-ний өдөр нээлтээ хийсэн "Монгол камасутра" үзэсгэлэнг өчигдөр хаасан байна. Энэ тухай шийдвэрийг Урчуудын эвлэлийн хорооны дарга Төмөрбаатар гаргасанаар тус үзэсгэлэнг хаахаар болсон аж.

Хэдийгээр насанд хүрэгчдэд зориулагдав гэсэн тодотголын доор уг үзэсгэлэн дэлгэгдсэн ч "Монгол камасутра"-ийн зургууд цахим сүлжээнд ихээр түгж, иргэдийн эсэргүүцэлтэй тулгарсан тул салбарын яамнаас "Үзэсгэлэнг яаралтай хаана уу" гэсэн чиглэл ирүүлсэн гэх мэдээллийг эх сурвалж өгч байна.