НӨАТ-ын буцаан олголт гээчийг татварынхан анх санаачилсан. Тэдний үзэж байгаагаар иргэд, ААН  татвараас мөнгөө нууж байгаа болохоор түүнийг нь ил болгох зорилгоор энэ ажлыг эхлүүлсэн гэж байгаа. Хэрэгжээд багагүй хугацаа өнгөрч байхад өнөөдрийг хүртэл хэрэгжихгүй байгаа. Өөрөөр хэлбэл энэ хууль баячуудын явуулдаг газруудад үйлчлэхгүй, эгэл ардын үйл ажиллагаа явуулж байгаа дэлгүүр, үйлчилгээний газарт дээд зэргээр үйлчилж байна. 

Тэгвэл баячуудын худалдан авалт хийдэг газрууд

·         Баримт хэвлэж өгсөн ч та сугалаанд оролцох эрхтэй гэхдээ НӨАТ-ын буцаалтын  мөнгө авахгүй. Учир нь манайх НӨАТ төлөгч байгууллага биш гэсэн агуулгаар дуртай дургүй хэвлэж өгдөг.

·         Тооцоог НӨАТ ороогүй үнийн дүнгээр  бичээд ирлээ гэж худалдан авагчид шууд тулгадаг. НӨАТ-тай нь авъя гэхээр нэгэнт бичсэн болохоор боломжгүй гэх тайлбар өгдөг.

·         Эсвэл  НӨАТ өгдөггүй. Нэхэхээр манайх баримт гаргадаггүй гэх.

·         Манайх интернетгүй тул баримт хэвлэх боломжгүй байна.

·         Энэ машин нь эвдэрсэн тул баримт хэвлэх боломжгүй байна.

·         Яг одоогоор боломжгүй байгаа тул та мэйл хаягаа үлдээнэ үү гэдэг. Гэвч эргээд НӨАТ-ын сугалааны дугаар явуулдаггүй.  

·         Интернетээр гар утасны төлбөр төлөхөд Unitel баримт өгдөггүй. Заавал өөрийн биеэр очиж төлбөр төлсөн тохиолдолд баримт хэвлэж өгнө. Харин  баримтаа нөхөж авъя гэхээр нөхөж өгөх боломжгүй гэсэн тайлбар өгдөг. 

·         Баримт өгсөн ч ААН илгээгээгүй гэх мэтээр иргэдийг чирэгдүүлж байгаа.  

·         Зарим газар тэнэг хүн хуурч байгаа юм шиг зарлагын баримт бичиж өгч байх жишээтэй.

Өөрөөр хэлбэл баримт өгөхгүй байна гэдэг нь бусдыг ашиглан хөлжиж байгаагаас ялгаагүй үйлдэл.  Хууль, дүрэм журам бүгдэд тэгш үйлчлэх ёстой. Татварын Ерөнхий газрын дарга Д.Занданбат та ажлаа хйиж, нэг сарын аян зохион байгуулаад өгөөч. Эс бөгөөс зарим нэгэн нь хуулиас гадуур байж, бусдыг мөлжиж амьдарсаар байна.

Уг нь НӨАТ-ын буцаалт хэрэгжээд багагүй хугацаа өнгөрч байгаа. Гэтэл энэ мэт асуудлыг гаргахгүй байхад Татварын Ерөнхий газар анхаарч ажиллах ёстой ч нэгдсэн арга хэмжээ авлаа, сарын аян хийлээ гэж дуулдсангүй.

Ямбыг нь эдэлж байгаа бол ялыг нь ч гэсэн үүрэх ёстой шүүү. Ажлынхаа алдаа дутагдлаа нөхөхөд  анхаарч ажиллаарай Татварынхаан, ялангуяа Д.Занданбат  дарга аа.

А.Баярмаа