1990 оны хувьсгалыг та бид мартаагүй, ашиг, хохирлыг хамтад нь өнөөдөр амсаж байгаа. Харин энэ үйл явцад оролцсон хэсэг бүлэг хүмүүсийг төр засгаас урамшуулах ёстой гэж АН-ынхан үзэж. Улмаар хуулийн төсөл боловсруулан УИХ-ын даргад өргөн барьсан байна. Одоогоор уг асуудлыг хэлэлцээгүй байна. Хэрвээ хэлэлцээд дэмжих юм бол АН-ынхан сар бүр 100 000 – 200 000 төгрөг халаасалдаг болох юм.  Урамшуулахдаа сар бүр 100 000- 200 000 төгрөг олгох, дотоодын рашаан сувиллын эрхийн бичгийг ирэх очих зардлын хамт жилд нэг удаа өгөх, хүнд өвчнөөр өвчилж өндөр өртөгтэй эмчилгээ хийлгэх тохиолдолд зардлын 50 хувийг төрөөс төлөх, байрны мөнгө эсвэл түлш авахад жилд 500 000-600 000 төгрөг, орон сууц өгөх зэргээр дэмжих аж. Тодруулбал

Энэ тооцоог гаргахдаа 1100 хүнээр тооцсон аж. Тодруулбал ардчилсан хувьсгалын анхдагч  гэх 1500 хүн байдаг гэх. Үүнээс өнөөдрийн байдлаар амьдарч буй ардчилсан хувьсгалын анхдагч 1100 хүн хэмээн дундажлан тооцсон аж.

Нийт ардчилсан хувьсгалын анхдагчдад орон сууцны асуудлыг шийдвэрлэхэд нэг удаа 44-70,4 тэрбум төгрөг шаардлагатай байна. Жил тутам олгох бусад тусламж , хөнгөлөлтөөр улсын төсөвт 2 тэрбум 700 сая төгрөгнөөс 5 тэрбум 350 сая төгрөгний хооронд улсын төсөвт суулгаж өгөх гэнэ.

Гэхдээ улсын төсөвт суулгах эсэхийг УИХ-аар хэлэлцэн эцэслэх болно. Монголын хүүхдүүдийг алагчилж сар бүр өгдөг 20 000 төгрөгөө танаж, ээж нарт 50 000 төгрөг өгч байгаа энэ цаг үед АН-ын анхдагч нарт 100 000 -200 000 төгрөг сар бүр олгоно гэх нь хэр шударга тогтолцоо юм болдоо...