Бэлэгдэлийн чанартай нөхрөөс залхаж байна
2018/06/08
Сайн байна уу. Би хоёр настай охин нөхөртэйгээ амьдардаг. Охиноо төрүүлээд л оюутан болохоор аав дээрээ хөдөө үлдээгээд нөхөртэйгээ хотод амьдардаг. Нөхөр гэр бүлтэй гэдэг маань бараг зүгээр бэлэгдэлийн шинж чанартай л болоод байгаа.
Нөхөр ноднин жилээс өөр охинтой явж эхэлсэн. Түүнээс хойш гэртээ 1 сар гадуур, 1 сар гадуур явж байна. Охин ирэхээр л гэртээ ирдэг. Охиноо харсан болхоор сэтгэл нь эргээд хэсэг надтай хамт байна. Охиноо явчихаар нэг сар гаран л гэртээ байвал байна. Тэгээл тэсгэл алдаад л яалт ч үгүй цаад охин нь сэтгэлийг нь татаад байдаг бололтой алга болоод өгнө.
Охин ирсэн үед л нөхрийн царайг харна. Салая гэхээр охины асуудлаас болоод салж чаддаггүй. Нөхөр ч бас өөр хүнтэй түүнтэйгээ хамт байгаа хэрнээ салахгүй. Салвал охиноо авч сална гээд байх юм. Үнэндээ ийм бэлэгдэлийн чанартай хоёр жил үргэлжилсэн. Энэ тэнэг харилцаанаас залхаж байна.
Туул · 2018/06/08
Бичсэнээс чинь үзвэл гэр бүлээ авч үлдэх хүсэлтэйдээ ийнхүү өөр хүнтэйг нь мэдсээр байж 2 жилийн нүүрийг үзсэн юм шиг санагдлаа. Яах ёстойгоо өөрөө бараг мэдэж л байна шүү дээ.
Нэгэнт нэг гэр бүл бол гишүүд бүгдээрээ хамтдаа байх нь зүйтэй. Тулгарсан асуудлыг хамтдаа шийдвэрлэж байх нь гэр бүлээ гэсэн сэлгэлийг улам нэмэгдүүлж өгдөг. Ер нь манайханы зарим нь бол хүүхдүүдээ бүр аав ээж дээрээ аваачаад хаячихдаг. Нөгөөдүүл нь чадлаараа сайхан өсгөөд өгдөг.
За жаахан ухамсар муутай залуучууд нь хүүхдээсээ хөндийрдөг гэх нь бас юу юм бэ хүүхдийнхээ өмнө хариуцлага хүлээж хүүхдээ хүмүүжүүлэх , санхүүгийн баталгааг нь хангах ёстой гэдгээ умартчихдаг шиг байгаан. Хүүхэд өсгөнө гэдэг том ажил шүү, тиймдээ ч тэр өдрөө зовлон мэт бодогдож, хожим жаргал болон дурсагддаг мөчүүдийг хамтдаа л туулах хэрэгтэй.
Тэгэхээр чамд гэж хэлэхэд
1. Хүүхдээ гэртээ байлгаад хамтдаа л амьдар /өдөртөө, эсхүл хааяадаа ээж, аав дээрээ аваачиж болно л доо./
2. Хүүхдээ хамт хүмүүжүүл, ээжээс нь өөр ямар ч эмэгтэй хүүхдийг нь ингэж хайрлаж, халамжилж, анхаарч чадахгүй, дөхөх ч үгүй гэдгийг мэдрүүл
3. Өөртөө бас анхаар, гоёж гоод, бие даасан байдлаа нэмэгдүүл, санхүүгийн хувьд ч бас
4. Нөхөртөө одоо ч хайртай хэвээрээ гэдгээ мэдрүүл. Зөвхөн хүүхдийнхээ төлөө бус чамд хайртайдаа өдий хүртэл салж чадахгүй байгаа гэдгээ мэдрүүл, хэл
5. Зүгээр л сайхан эмэгтэй бай, битгийн өөр залуучуудтай орооцолд