“Жигүүр гаранд” компанийн ерөнхий захирал Д.Баттөр өнчин өрөөсөн өссөн, олон дүүгээ өргөж тэтгэсэн ачит сайн ах. Барилгын тэргүүлэх компанийн захирал Д.Баттөрийн авааль гэргийг Эрдэнэтунгалаг гэдэг.

2012 оны сонгуулиар төрсөн нутаг Ховддоо бие даан нэр дэвшсэн, ажил хэрэгч, дайчин бүсгүй. Эрдэнэтунгалаг хатагтай Д.Баттөр захирлын зургаан хүүхдийг төрүүлсэн. Д.Баттөр, Эрдэнэтунгалаг хоёрын ууган охин Б.Уянга нь “Камертон” хамтлагийн дуучин Л.Ган-Эрдэнэтэй гэрлэсэн билээ.

“Жигүүр гранд”-ын Баттөрийн хүүхдүүд, Баттөрийн дүү “Сандэй” группын Бат-Өлзийн хүүхдүүд гэж өвч брэндээр хучигдсан, баян тарганаа илтгэсэн хэсэг залуус олны нүдийг бүлтийлгэж явдаг. Харин харамсалтай нь ноён Баттөр, ноён Бат-Өлзий хоёр авааль гэрийгээ орхиж, 20 гарч явсан залуухан бүсгүйг хоёр дахь гэргийгээ болгож аван хамтдаа амьдраад удсан. Ноён Баттөр, Бат-Өлзий хоёрын хоёр дахь эхнэр нь 30 гарчихсан гэхээр цаг хугацаа ч хурдан юм.
Харин авааль гэргий, хоёр дахь авгай хоёр нь таарамж муутай нь ах, дүү алдарт бизнесмэнүүдийн сэтгэлийг зовоохоос өөр асуудалгүй, Баттөрийнхөн гэдэг бүл айл юугаар ч дутагдахгүй, үнэхээр аз жаргалтай, баян цатгалан амьдарч байгаа.
“Жигүүр гранд”-ын Баттөрийн залуу эхнэр Онон өөрөөсөө хоёр үе хол мултарсан ахимаг насны эртэй ханилж, хоёр хүүхэд төрүүлснээ их нууцалдаг ч хэрэгт дуртай олны нүднээс мултраагүй. “Жигүүр гранд” группийн анхны барилгуудын нэг “Континенталь” зочид буудлын тэндэх байранд Онон амьдардаг бөгөөд хэдэн жилийн өмнө хөршүүдтэйгээ муудалцсаны улмаас хэвлэлийнхэнд хөршүүд нь “алтан хошуу” өргөж, “Жигүүр гранд”-ын Баттөр, түүний залуу эзэгтэй хоёрын харилцаа олны өмнө ил болж байжээ.

Олны нүднээс нууцхан амьдардаг Онон бүсгүй тэртээ нэгэн цагт “Ариун” сальфетканы үйлдвэрийн эзний охин А.Урангоогийн жижиг дэлгүүрийн рекламанд зориулан зургаа авахуулж олны өмнө гарсан нь энэ юм.