Анх "Хайрлаж болох уу? УСК-д дүр бүтээж кино урлагт орж байсан нэгэн болж жүжигчин Шүүдэрцэцэг. Хувийн асуудлаас болж нэг хэсэгтээ кинонд тоглоогүй тэрээр "Бид гурвын болзоо" киноноос хойш гурван жил завсарласан аж. Харин энэ жилээс кинонд тоглож эхэлсэн тэрээр  "Нинжин сэтгэл" УСК-нд дүр бүтээсэн байна.  Өмнө нь тоглож байсан дүрүүдээсээ огт өөр дүр гаргаж цоо шинэ төрхтэйгөөр кино урлагт эргэн ирсэн тэрээр Жүжигчин Өлзийхүүгийн охины дүрийг тус кинонд бүтээжээ. Эх хүн, эмэгтэй хүнээс гарч болох бүхий л зүйлсийг илэрхийлэн уярал, ухаарлыг бэлэглэх тус киноны тухай Шүүдэрцэцэг "Бүх зүйл цагаан л байдаг, бүхэн анх цагаан л байсан. Сүү хүртэл цагаан, сүүдэр хүртэл цагаанаас л харагдана. Цагаан өнгөгүйгээр бусад өнгө гарахгүй, цагаан сэтгэлгүйгээр бараан сэтгэлийг ч мэдэхгүй, цагаан байж харыг ойлгож буй, гэрэл байж харанхуйг мэдэрч буй..." хэмээсэн тэрээр үүнийгээ бэлгэдэн цагаан өнгийн хувцсаар өөрийгөө гоён нээлтийн ёслол дээр хүрэлцэн иржээ. Ингээд тус киноны нээлтийн ёслолын үеэрх зургуудаас танд сонирхуулж байна.