Сайн уу бүгдээрээ. Би 22 настай. Японд сурдаг л даа. Энд хандсан шалтгаан маань ангийн маань нэг Япон охин надад илт сайн хандаад байгаа юм л даа. Өдрийн хоол хийж авчирч өгөөд л, дандаа харц тулгарна. Надад ч тийм онцгүй санагдахгүй байгаа ч нэг л эвгүй юм аа. Таалагдахын хувьд таалагддаг. Цэвэрхэн, стиллэг, хувцасаа зөв тохируулаад өмсчихдөг хөөрхөн л охин. Гэхдээ нэг тийм хайрлах харцаар би харж чадахгүй байгаа юм. Надад Монголд байхын л найз охин нтр байдаггүй байсан. Өөрөөр хэлбэл ер нь тэр талын харьцаан дээр тааруухан л даа. Мэдээж дурлаж хайрлаж л байсан. Даанч зориггүй байдлаасаа болоод бүтээгүй түүх ихтэй.

Үүний хариултыг та нар амархан олж байгаа байх л даа. Зарим нь шууд үерх. Үерхээд үзэхэд болохгүй нь юу байна гэх мэтчилэн хэлэх л байх. Би ч өөрөө бодож үзсэн. Гэхдээ заримдаа өөрийгөө огт ойлгохгүй юм. Нэг болохоор аймар таалагдаад л. Нэг болохоор тэнэг ч юм шиг. Японтой үерхэж байснаас Монголтойгоо л үерхэе гээд л. Үерхээд хайрлаж дурлаад суухдаа тулвал гэрийнхэн, эргэн тойрныхон маань хэрхэх болоо гээд л. Цаашлуулаад бодоод үзэхээр үнтэстэн улс орон гээд л их л юм бодогдох юм. Таарч тохирохгүй зүйлүүд ч их л байгаа байх гээд л.

Магадгүй би сайхан сэтгэл, нөхөрлөлийн илэрхийлэлийг нь томоор хүлээж авч хошгороод байж болох юм. Гэхдээ л өөрт маань одоогоор тэгж мэдрэгдээд байгаа юм. Цаг хугацаанд найдая гэхээр энэ бодол байнга эргэлдээд салж өгдөггүй. Ийм учраас бага зэрэг зөвлөгөө, санал бодол солилцох гэсэн юм. Энэхүү оронд суралцдаг, суралцаж ажиллаж, амьдарч байсан ах, эгч нар маань болон сайтын зочдоосоо санал бодлоо хуваалцаарай гэж хүсье баярлалаа.