Эрх баригчид болон АН-ын дарга асан С.Эрдэнэ нартай хамаарал бүхий зарим нэр бүхий улс төрчид Монгол Улсын Ерөнхийлөгч асан, МоАХ-ы дарга Х.Баттулга нь МоАХ-ы газрыг барьцаалж, Хөгжлийн Банкнаас зээл авсан гэх агуулгатай зүйлийг ярьж, улмаар энэ нь хэвлэлээр цацагдсан билээ.

 

АН-ын даргын сунгаанд нэр дэвшигчийн үнэмлэхээ авах үеэрээ Х.Баттулга энэ тухай: "Хөгжлийн банктай холбоотой ямар ч асуудал надад байхгүй. Худлаа шүү. МоАХ-ы алга дарам газрыг барьцаалж, өчнөөн тэрбумын зээл өгдөг банк гэж юу байхав дээ" гэж хариулсан.

Х.Баттулга хариулт өгсний дараа ч  нийгмийн сүлжээ, зарим нэр бүхий хэвлэлээр энэ тухай төлбөртэй мэдээлэл нийтлэгдсээр л байгаа юм. Гэвч эцэст нь энэ бүхнийг мухарлах баримт ил боллоо. Тодруулбал Улсын бүртгэлийн мэдээллийн сангаас үзвэл МоАХ-ы газар нь ямар ч зээлийн барьцаанд тавигдаагүй, зориулалтын дагуу ашиглагдаж буйг та дараах баримтнаас харж болно.