Өчигдөр интернэт сайтаар Баянсэлэнгэ гишүүн Даяар Монгол хөдөлгөөний залуусыг хульхидсан талаар дүрс бичлэг бүхий мэдээлэл багагүй тарсан билээ.

МАХН-ынхан намынхаа даргыг баривчлагдсан өдөртэй холбогдуулан  4 дүгээр сарын 11-ны өдөр "Ардчилал ба улс төрийн хэлмэгдүүлэлт" хэлэлцүүлэг хийж, ТВ9 телевизээр шууд цацах үеэр Даяар Монгол хөдөлгөөний залуус орж ирэн тэднийг хооронд бага зэргийн шуугиан дэгдсэнийг санаж байгаа байх. Харин энэ хэрэгт УИХ-ын гишүүн З.Баянсэлэнгэ холбогдон түүнээс хамт жагссаныхаа хөлсийг нэхэхээр ирсэн боловч эрхэм гишүүн "мурьж" амжсан гэх мэдээлэл цацагдаад байгаа билээ.

Харин Даяар Монгол хөдөлгөөний залуус энэ талаар фэйсбуук хуудаснаа тайлбар хийжээ. "Манай байгууллага Шударга ёс тусгаар тогтнол үндэсний хөдөлгөөнийг хамтран байгуулалцсан билээ. Гэвч энэ хөдөлгөөн нь эцэстээ нэгэн намын хөдөлгөөн болж хувирсан. Бид шударга үнэний төлөө нэгдсэн болохоос МАХН-тай нэгдээгүй. Тиймээс бид эх орон шударга ёс үндэсний хөдөлгөөнөөс албан ёсоор гарч буйгаа мэдэгдэх үед шууд явж байсан эфирээ зогсоож биднийг элдвээр гүтгэн доромжилсон. Энэ үед манай залуус эфирийг чинь хаагаагүй үед одоо үгээ хэлье гэж ортол дээрх сөрөг байдлыг үүсгэн биднийг нийгэмд хэн нэгний захиалга эсвэл хөлсөөр хийж буй үйлдэл мэт харуулахыг оролдож байна. Даяар Монгол ТББ нь Эх орон тусгаар тогтнол шударга ёс үндэсний хөдөлгөөний үнэн бодит байдлыг хэлсэний төлөө биднийг улс төржүүлж хэн нэгний гар хөл мэт харагдуулах хөөрхийлэлтэй арга хэрэглэж байгаа нь харамсалтай юм. Даяар Монгол ТББ нь хэзээ ч улс төрийнхний гар хөл байгаагүй, байх ч үгүй.." гэж бичжээ.

Ямартаа ч энэ бичлэгийн хувьд нэг иймэрхүү зүйл болжээ.