Монгол улсын хэмжээнд 540 гаруй хууль хүчин төгөлдөр мөрдөгдөж байна. Эдгээр хуулиудыг  монгол улсын иргэн, аж ахуйн нэгжүүд бүгд даган биелүүлэх ёстой. Хуульд зааснаар бол Монгол улсад үйл ажиллагаага явуулж байгаа архи согтууруулах ундаагаар иргэдэд  үйлчилгээ үзүүлдэг кафе, баар, цэнгээний газрууд шөнийн 00:00 цагаас хаалгаа барих  ёстой.

Бразил улсад болж байгаа хөл бөмбөгийн дэлхийн аварга шалгаруулах тэмцээнийг дагалдан  энэхүү хуулийг  зөрчих үйлдлүүд хирээс хэтэрлээ. Дэлхийн аваргын тэмцээн цагийн зөрүүгээс шалтгаалан манай улсад  шөнийн 04:00 цагт тоглогдож байгаа. Үүнтэй уялдуулан олон газрууд  нийтэд үйлчлэх задгай асар барих, мөн ресторан, кафе, баарнууд  хөл бөмбөг үзүүлэх нэрээр иргэдэд сонтууруулах ундаагаар үйлчилгээ үзүүлэн  цагаа сунган, хууль зөрчин ажилласаар байна.

Хөл бөмбөгийн фанатууд олноороо цуглан пиво уун халцгааж,  сэтгэл хөөрөлдөө автан хашгирах, орилох,  өөр хоорондоо маргах, муудалдцах зэрэг байдал үүсгэж байгаа нь  орон сууцны хороолол дундах иргэдийн амар тайван байдлыг алдаглуулж, тайван унтах боломжгүй болжээ.  Мөн дээр нь уусан пивондоо халж, сэтгэл нь хөөрсөн фанатууд өөр хоорондоо муудалцах, маргалдах, улмаар зодоон үүсгэх, гэмт хэрэг гарах нөхцөл бодитой бүрдэж байгааг бид анхаарах ёстой.  Энэ бүхний цаана хууль зөрчин, хугацаа хэтэрүүлэн ажиллаж байгаа баар,  рестораны эздийн ашиг орлого нэмэгдэнэ.  Үүнийг нь  холбогдох газрууд мэдсэн ч мэдээгүй мэт “царайлж” байгаа байдал нь тэднийг ямар нэг байдлаар “авлига” авсан байх гэсэн хардлага төрүүлж байна. Тэгээд ч хууль давсан ийм зөвшөөлийг ямар нэгэн албан тушаалтан өгөх ёстой.