УИХ-ын сонгуульд нэр дэвшигчид хандивын дансаа нээж эхэлжээ. Нэр дэвшигчид хандивын даснаа нээлттэй зарлаж, иргэд аж ахуй нэгжүүдээс хандив авдаг.

СХД-т Ардчилсан намаас нэр дэвшигч Н.Амаржин хандиваа цуглуулахдаа 5000 төгрөгийн челленж эхлүүлж, нэгдэхийг уриалав.

Тэрбээр “Тэд олуулаа юу БИД олуулаа юу. Олигиархиуд хүчтэй юу ШУДАРГА ЗАЛУУС хүчтэй юу. Хуулийн дагуу УИХ-ын сонгуулийн хандивын дансаа нээлээ.  Шинэ залуу үеийн төлөөллөө дэмжиж Түүхийн хугарлын цэгийг 5К төгрөг хандивлан #5kchallenge-д нэгдэхийг уриалж байна.  Хулгайн мөнгөөр биш хамтын хүчээр ялалтыг авчрахын төлөө 5,000 төгрөг л хандивлаач хэмээн хүсч байна” хэмээн цахим хуудастаа нийтэлжээ.

Ташрамд дурдахад, Сонгуулийн тухай хуульд заасны дагуу сонгуульд оролцож байгаа нам, эвсэл болон нэр дэвшигч тус бүр улсын хэмжээнд сонгуулийн зардлын төгрөгийн нэг данстай байх бөгөөд нам, эвсэл болон нэр дэвшигч сонгуулийн зардлын дансны дугаар, банкны нэрийг санал авах өдрөөс 15-аас доошгүй хоногийн өмнө төрийн аудитын дээд байгууллагад мэдэгдэж, бүртгүүлэх үүрэгтэй. Зардлын дансны дугаар, банкны нэрийг төрийн аудитын дээд байгууллагад бүртгүүлсний дараа нээх юм.