Өнөөдөр өглөө улс төрөөр дагнан бичдэг сэтгүүлчдэд  [email protected] гэх хаягаас “Н.Алтанхуягийг түлхэн унагаах 13 эрхмийн нэр тодорлоо” гэсэн гарчиг бүхий мэдээлэл ирсэн байна.

 Уг мэдээлэлд З.Энхболд,  Л.Цог, Х.Баттулга, М.Зоригт, Д.Батцогт, Л.Эрдэнэчимэг, С.Одонтуяа, О.Баасанхүү, Г.Уянга, Р.Амаржаргал, Р.Бурмаа, Ж.Батзандан,  С.Ганбаатар нарын АН, МАХН, МҮАН болон бие даан нэр дэвшиж УИХ-ын гишүүн болсон  13 хүний нэр орсон байв.

 

Анх энэ мэдээллийг уншсан нэгэнд  Н.Алтанхуягийн эсрэг ажилладаг нөхдүүд явуулсан байх гэсэн хардлагыг эрхгүй төрүүлж байна. Үнэн хэрэгтээ Засгийн газар, түүний  pr агентлаг хийж байгаа ажил юм.  Өөрөөр хэлбэл, Н.Алтанхуяг болон түүний Засгийн газрыг унагахаас өмнө өөрсдийг нь муулж байгаа УИХ-ын гишүүдийг нийгэмд муу хүн болгож харагдуулах арга ажээ.

Тэднийг муу хүн болж харагдуулахын тулд 13 гишүүнийг сонгосон нь учиртай ажээ.  Өөрөөр хэлбэл Монголчуудын дунд “Элсний-13” хэмээх нэр бүхий муу нэртэй, луу данстай нөхдүүд бий.  Тэдний түүхийг дээрхи 13 УИХ-ын гишүүн давтаж байна гэх мессежийг нийгэмд төрүүлэхийг хүссэн байна. Хэрвээ ийм мессежийг нийгэмд өгсөн тохиолдолд  Н.Алтанхуягийн Засгийн газрыг шүүмжлэгчдийн тоо бага ч атугай буурах бөгөөд тэрслүү  нөхдүүдийг дарж авах зэрэг олон давуу талтай.  

Засгийн газар энэхүү “атгаг санаа”-гаа хэрэгжүүлэх пээрээ тулснаас үзэхэд нэр хүнд нь “шаландаа унаж” эцсийн арга ядсан зүйлс хийж байгаа нь энэ бизээ...

Э.Мөнгөн