Анх 14 насандаа загварын тайзнаа гарч байсан Эрдэнэтээс гаралтай загвар өмсөгч Э.Сэлэнгээг загвар сонирхогчид андахгүй. 

“Miss World 2006” бүх дэлхийн сайхан бүсгүй шалгаруулах тэмцээнд эх орноо төлөөлж оролцож байсан загвар өмсөгч бүсгүйн нүцгэн авахуулсан зураг гадаадын болон монголын сайтуудаар тархсан. Тэрбээр саяхан эх орондоо ирсэн бөгөөд хөтлөгчийн дамжаанд сурч байна.

Түүний нүцгэн зураг шуугианаас гадна нэгэн скандал бичлэг олны сонирхолыг татсан. Тодруулбал, миний бөгсийг үнс гэх бичлэг. Харин энэхүү бичлэгийн тайлбарыг Э.Сэлэнгээ "Тэр үед Италийн Миланд нэг загварын шоунд оролцохоор оччихсон, моделиудын байранд олон үндэстний охидуудтай амьдарч байсан юм. Тэр бичлэгийн тухайд хүмүүс өдрийн тэмдэглэлээ цаасан дээр бичдэг шиг гадаадад хүмүүс видео тэмдэглэл хийдэг. Тийм л нэгэн тэмдэглэл. Бодит байдлаа ялгаж салгахын тулд зориуд монголоор ярьсан. Гэхдээ монгол хүнд биш гадаад хүнд хандаж уур, бухимдлаа илэрхийлсэн хэлбэр. Би өрөөндөө албани, итали, украин, орос, бразил, испани охидуудтай амьдарч байсан юм. Гэтэл нэг охин миний шампуньд цавуу хийчихсэн, хувцсан дээр бас цавуу асгачихсан байсан. Энэ бол загварын ертөнц дэх өрсөлдөөн, атаа жөтөөний хамгийн башир арга. Тэр бичлэгээр дамжуулж бухимдлаа илэрхийлж байгаа юм л даа. Миний уурлаж байгаа хамгийн дээд хэлбэр, хэмжээ. Түүнийгээ фэйсбүүктээ тавьсан.

Бөгс үнс гэдэг хэллэг нь Америкт надад долигно гэсэн утгыг илэрхийлдэг. Тэр охинд би тэгж л хэлмээр байсан" гэлээ.

Д.Ана