Урлагийн тайзнаас буусан ч гэсэн олны анхааралын төвд байдаг эрхэм бол дуучин Ану. Тэрбээр халамжит хань, хөөрхөн охины ээжийн үүргээ биелүүлэхдээ цаг гаргахаар сэтгэл шулуудан тайзаа орхисон. 

Өөрийгөө илүү их хөгжүүлэх хүсэл эрмэлзэлтэй хүн бүрт Оросын нэр хүнд бүхий тархины фитнессийн багшийн Монголд явуулах хичээлийн талаар сайхан мэдээллийг маргааш цахим хуудаснаа оруулах болно хэмээн найзууддаа дуулгалаа. 

Саяхан түүний нэрийг барьж бусдаас тусламж хүссэн мэдээллийг олон нийтийн мэдээллийн хэрэгсэл болох фэйбүүкээр нийтэлсэн байна. Харин үүнийг нь харсан зарим хүмүүс хөөрхий дуучин Ану юу хүсээ юм бол гэх яриа газар авах болжээ. Энэ талаар тэрбээр "Хүний нэр бариад хүмүүсээс тусламж хүсч суух гэж. Өөрөө ухамсраараа болиорой. Энэ хуурамч профайл. Ч.Уранхолбоогоос өөр фэйсбүүк хаяг байхгүй болохыг дахин хэлье. Анхаарал хандуулсанд баярлалаа" гэсэн юм. 

Олны танил хүмүүсийн нэрийг барьж хуурамч хаяг үүсгэн тусламж, зөвлөгөө хүсэх асуудал сүүлийн үед газар авах болсон билээ. 

Д.Ана