“Витафит” групп дэлхийн жишигт нийцсэн шинэ стандарт нэвтрүүлж эхлэлээ
2015/05/11
“ВИТАФИТ” групп –ISO 22000 дэлхийн стандартыг нэвтрүүллээМанай компани 1997-2015-оны хооронд нийт халуун болон хүйтэн савлагаатай шүүсний 4 үйлдвэр, тараг, сүү, хийжүүлсэн ундаа, цэвэр ус зэрэг хүнсний нийт 10 үйлдвэрийг шинээр ашиглалтанд оруулж 2011 онд олон улсын чанарын удирдлагын тогтолцоо ISO 9001 стандартыг үйл ажиллагаандаа амжилттай хэрэгжүүлэн СХЗГ-аар баталгаажуулсан.
Мөн Витафит группын нэгдсэн лаборатори нь олон улсын лабораторийн чадавхид тавих ерөнхий шаардлага MNS ISO/ IEC 17025:2007 стандартын дагуу шалгуулж Монголын СХЗГ-аас итгэмжлэгдсэн лабораторийн эрхийн гэрчилгээг 2015 онд авсан. Цаашдаа энэ ололт амжилтаа улам бататгахын тулд олон улсын хүнсний аюулгүй байдлын удирдлагын тогтолцоо ISO 22000 стандартыг нэвтрүүлэхээр олон улсын байгууллага “SGS-Монголиа” ХХК-тай хамтран ажиллах гэрээ байгуулан хүнсний аюулгүй байдлын удирдлагын тогтолцооны стандартыг нэвтрүүлэх, түүнийг үйл ажиллагаандаа хэвшүүлэн, тасралтгүй сайжруулалтын тогтолцоог бий болгох, түүнд нийт ажилтнуудыг идэвхитэй оролцуулах зорилготойгоор ажиллаж байна.
Хэрэглэгчээ дээдэлсэн эрүүл, аюулгүй хүнс үйлдвэрлэнэ.
Түүхий эд бэлтгэхээс эхлээд бүтээгдэхүүн үйлдвэрлэн гарах хүртэл бүхий л сүлжээний туршид хяналт, тасралтгүй сайжруулалтыг хэрэгжүүлэх явдал маш чухал болж байна. Иймээс энэхүү төсөлд Витафит группын охин компаниуд болох түүхий эд нийлүүлэгч “Витафит Импекс” ХХК, үйлдвэрлэл хариуцсан “Витафит Инвест” ХХК, хуруу шил үйлдвэрлэгч “Мегапласт Монголиа” ХХК, борлуулалт түгээлтийг хариуцсан “Витафит” ХХК зэрэг компаниуд хамрагдсан ISO 22000 стандартыг нэвтрүүлж эхлээд байгаа ажээ.
Зочин · 2015/05/11
Бүх төрлийн вакум цонхонд зориулагдсан сайжруулсан хөнгөн цагаан материалтай,үүр болон хүрээндээ давхар нарийн ширхэгт шүүртэй,торонд тогтсон тоос шороогоо өөрөө цэвэрлэдэг 3 янзын өнгөтэй/цагаан,хүрэн,боронз/ ялаа шу******лын торыг захиалгаар чанартай хийж бна.Үнэ:35000-45000төг/45см-85см өр*150см өндөр/Баталгаа 5жил.Орос тех.Утас:95000020,95050020